Festivali i Rinisë, sfidat ndaj padrejtësive dhe papunësisë, rastet e suksesit
Rreth 30% e të rinjve të moshës 15- 29 vjeç, të papunë
Rreth
440 të rinj nga e gjithë Shqipëria, pjesë e organizatës humanitare "World Vision", kanë organizuar dje aktivitetin kundër padrejtësive dhe pabarazive shoqërore, duke vënë theksin veçanërisht mbi papunësinë te të rinjtë. Në bazë të statistikave zyrtare të nxjerra nga "European Commission Albania", rreth 30% e të rinjve të moshës 15- 29 vjeç në vendin tonë janë të papunë dhe 70% e tyre duan të emigrojnë për një jetë më të mirë. Por, të rinjtë e "World Vision", në ditën e dytë të Festivalit të Rinisë për Drejtësinë Sociale kanë treguar shembuj suksesi si një shtysë për të gjithë bashkëmoshatarët e tyre kundrejt realitetit sfidues. Ata kanë bërë thirrje për të rinjtë që të mos dorëzohen, të sjellin ndryshimin dhe të shohin Shqipërinë si vendin e realizimit të ëndrrave të tyre. Një pjesë e mirë e të rinjve në vendin tonë po përballen me pamundësinë e punësimit, varfërisë, dhunës në familje si dhe shfrytëzimin e fëmijëve në punë. Toni Gogu, drejtor i "World Vision" në Ballka- nin Perëndimor u shpreh se të rinjtë në Shqipëri kanë humbur shpresat dhe tundohen gjithnjë e më shumë për të emigruar. "Ne për rreth dy dekada operojmë në Shqipëri dhe synimi ynë është të mobilizojmë të rinjtë për një shoqëri më të drejtë, më të dhembshur, më të dashur ndaj personave në nevojë. Numërojmë plot raste suksesi, ku ata kanë arritur t'ia dalin mbanë dhe të
NJOFTIM SHITJE ME ANKAND
kenë arritje edhe në Shqipëri", - u shpreh Gogu. Një nga rastet e suksesit është dhe ai i 19- vjeçares Ema Lleshi nga Lezha, e cila tregon se puna për të është nder dhe asnjëherë nuk është ndier e paragjykuar për vendin ku punon. "Unë studioj frëngjisht në Fakultetin e Gjuhëve të Huaja në Tiranë dhe ëndrra ime është të punoj si mësuese në të ardhmen dhe të kontribuoj në arsimimin dhe edukimin e brezave në vijim", - tha Ema. Sipas studimit të kryer nga "World Vision", në dhjetor 2016 me rreth 4000 fëmijë të grupmoshës 12- 18 vjeç nga qytete të ndryshme rezulton se 28.2% e tyre raportojnë se punojnë për të siguruar të ardhura në familje dhe 70% e fëmijëve në Shqipëri janë të ekspozuar ndaj një forme dhunë qoftë ajo fizike, emocionale, ngacmim seksual apo neglizhencë. Ndërkohë, një ditë më parë organizata "World Vision", në zonën e Pazarit të Ri çeli ekspozitën "Jetë" me foto të fëmijëve me aftësi të kufizuara të realizuara nga Bevis Fusha. Këto fotografi kanë në fokus momente nga jeta e përditshme e këtyre fëmijëve dhe familjeve të tyre. Studimi i parë kombëtar mbi prevalencën e aftësisë së kufizuar tregoi se në Shqipëri ka 70 mijë fëmijë me aftësi të kufizuar. Vetëm 8% e tyre marrin shërbimet e nevojshme. vo. du.