Shqipëria, 1 me 1 në Maqedoni, shënon Roshi
Trajneri i Kombëtares, Panuçi: Luftuam si shqiptarë të vërtetë, edhe mund të humbnim Trajkovski barazon me penallti të dyshimtë. Fishkëllehet himni ynë
Shqipëria ka barazuar dje në transfertë 1- 1 ndaj Maqedonisë, në ndeshjen e tetë të kësaj fushate eliminatore për Botërorin "Rusi 2018". Kuqezinjtë ishin të parët që kaluan në avantazh, në minutën e 53' me anë të Odise Roshit, që fatkeqësisht ishte njëherësh edhe protagonist kryesor në golin e barazimit. Ishte pikërisht Roshi që në minutën e 78', për shkak të një prekje të topit me dorë në zonën kuqezi, shkaktoi një 11- metërsh të shndërruar në gol nga Trajkovski.
REAGIMI I PANUÇIT
I qetë dhe i ftohtë është shfaqur trajneri i Kombëtares së Shqipërisë, Kristian Panuçi, në përfundim të ndeshjes ndaj Maqedonisë, e përfunduar në barazim 1- 1. Me një fitore dhe një barazim, për të regjistruar katër pikë në dy ndeshjet e tij të para në drejtimin e kuqezinjve, që renditen aktualisht në vend të tretë të klasifikimit të
Trajkovski 78' ( 11- m)/ Roshi 53'
Dimitrievski, Ristovski, Musliu, Velkoski, Ristevski, Spirovski, Bardhi, Nikolov, Pandev, Alioski dhe Nestorovski.
Berisha, Hysaj, Ajeti, Mavraj, Roshi, Lila, Kukeli, Agolli, Llullaku, Hyka dhe Sadiku.
Grupit G, Panuçi, e nis me vlerësim pozitiv analizën e tij post ndeshjes, por e përfundon atë paradoksalisht me fjalët: "Kemi vuajtur 20 minutat e fundit, edhe mund të kishim pësuar. Luftuam si shqiptarë të vërtetë".
NDESHJA
Tashmë, pas tetë ndeshjesh, Shqipëria ruan vendin e tretë në klasifikimin e Grupit G, në kuotën e 13 pikëve, falë edhe humbjes së Izraelit në ndeshjen ndaj Italisë, për t'u renditur kështu pas Spanjës dhe azzurrëve, kur mbeten edhe dy ndeshje nga përfundimi i këtyre eliminatoreve.
Pas një pjese të parë tërësisht për t'u harruar, me një lojë gati amatoreske nga të dyja kampet, pa ritëm dhe në mungesë të plotë të idesë, gjatë të cilës nuk është regjistruar asnjë rast flagrant, fraksioni i dytë i lojës ka nisur me ritëm të lartë. Njëlloj sikur në dhomat e zhveshjes të ketë ndodhur diçka magjike, kuqezinjtë e kanë nisur në mënyrën më të mirë të mundshme pjesën e dytë. Një aksion perfekt me protagonistë kryesorë, Basha, që ka krosuar për Sadikun dhe ky i fundit ka shërbyer një top perfekt në zonën maqedonase, ku Roshi nuk ka falur, por me kokë ka dërguar topin në rrjetë, për të kaluar Shqipërinë në avantazh 0- 1, në minutën e 53'. I menjëhershëm ishte reagimi i maqedonasve, të cilët i janë afruar disa herë portës kuqezi, por Berisha ka qenë në lartësinë e duhur, duke larguar rrezikun. Në të 63' është Hysaj, ai që ndal një top në vijën fatale duke shmangur të paktën provizorisht golin e barazimit. Si Memushaj, ashtu edhe Sadiku i afrohen golit të dytë, por në të 78' një prekje e topit me dorë nga Roshi në zonën kuqezi ka bërë që arbitri të akordojë një 11metërsh në favor të Maqedonisë, i shndërruar në gol nga Trajkovski. Me oreksin e hapur, maqedonasit hidhen në sulm në kërkim të golit të fitores dhe i afrohen disa herë, por në të gjitha rastet Berisha ka qenë bllokuesi i tentativave të tyre, pikërisht në limite. Kuqezinjtë nga ana tjetër të impenjuar më shumë në administrimin e ofensivave të vendësve, e kanë të vështirë të imponohen në gjysmëfushën maqedonase. Pikërisht me këtë panoramë është mbyllur takimi në barazim 1- 1.
"Telesport"