Ruçi, deputetëve të PS: Rregullorja do zbatohet njëlloj për ju e opozitën
Zbardhen porositë e kryeministrit, ngrihet grupi i punës për emërimet në administratë Balla, kryetar grupi me votim të fshehtë, batuta e Ramës Risia, Bushati do drejtojë Ministrinë për Europën e Punët e Jashtme
Kryeministri Edi Rama, njëherësh kryetar i PS- së dhe kryetari i Kuvendit, Gramoz Ruçi ishin dje të prerë në deklaratat e tyre para deputetëve të PS- së. Një ditë para seancës së parë të Kuvendit, Rama u kërkoi të zgjedhurve që të fillojnë sa më shpejt nga puna, pasi "edhe administrata mund të jetë e shkrehur për shkak të drejtimit nga ministrat teknikë", mësohet të ketë thënë kreu i qeverisë. Burimet nga mbledhja e grupit bënë të ditur për "Gazeta Shqiptare" se edhe kryetari i Asamblesë Kombëtare të PSsë, Ruçi njëherësh edhe si kryetar i Kuvendit u ka bërë të ditur deputetëve se nuk duhet të mungojnë as në komisione dhe as në seanca, pasi fakti që kanë 74 mandate të vetëm dhe pa aleatë i detyron të krijojnë përherë shumicën e votave. "Vërtetë kemi pushtetin, por kemi detyrim ndaj qytetarëve që na kanë votuar. Mbështetja kërkon angazhim nga të gjithë ne. Prezenca në Kuvend, në komisione është e padiskutueshme dhe duhet të jetë korrekte", mësohet të jetë shprehur Ruçi. "Jepni ju shembullin të parët. Rregullorja do të zbatohet njëlloj si për ju, si për opozitën", nënvizoi më tej Ruçi. Kryeministri Rama u ka thënë deputetëve se koha e emërimeve përmes lidhjeve të shkurtra deputetë- ministra ka marrë fund. Çdo ministër, ka thënë Rama, do të mbajë përgjegjësi të plotë nëse bën diçka të tillë. Kryeministri lajmëroi ngritjen e një komisioni të posaçëm të grupit parlamentar, që do të monitorojë të gjithë procesin e emërimeve dhe do të sinjalizojë kreun e qeverisë për shkelje të kritereve profesionale, apo për shfaqje nepotike në proces. "Faleminderit kolegëve të grupit parlamentar për besimin e madh! PS, e vetmja forcë në Shqipëri me standarde demokratike në vendimmarrje. Bashkëqeverisja dhe angazhimi me njerëzit në çdo cep të Shqipërisë, i çdo deputeti socialist do të ketë rëndësi primare", shkroi dje Balla pas zgjedhjes në krye të grupit të PS. një herë, sepse refuzojnë deputetin me eksperiencën më të gjatë parlamentare, por duke e shënjestruar me topat e politikës së baltës gabojnë 100 herë, sepse refuzojnë të kuptojnë që Shqipërisë as nuk i duhet dhe shqiptarët e shpërfillin lojën me topa balte mes politikanëve, sepse duan shtetin, punën dhe mirëqenien e tyre, që natyrisht nuk vijnë si rezultat i kësaj loje", theksoi Rama. Ndërkohë, Rama sqaroi se në fillimjavën që vjen do të paraqitet në Kuvend qeveria e re dhe programi i saj dhe më pas do të zgjidhet edhe kryesia e re e grupit parlamentar. Ndërkohë, burimet bëjnë me dije se Mimi Kodheli është propozuar për nënkryetare Kuvendi, por nuk e ka pranuar. Rama ka bërë me dije se tashmë është hartuar edhe teksti i Marrëveshjes së Mirëkuptimit mes qeverisë, grupit parlamentar dhe partisë, që do të nënshkruhet pas zgjedhjes së drejtuesve të grupit dhe të komisioneve parlamentare në prani të të gjithë grupit parlamentar nga përfaqësuesit e grupit, anëtarët e qeverisë dhe kryetari i Asamblesë Kombëtare, në emër të Partisë Socialiste. "Është me shumë rëndësi të nënvizohet se disiplina e grupit dhe e qeverisë janë faktorë kyç në këtë legjislaturë", tha Rama. Kryeministri
Edi Rama ka dërguar dje në Presidencë kërkesën për dekretimin e qeverisë së re. Por, në strukturën e re është vënë re një ndryshim në emërtimin e Ministrisë së Punëve të Jashtme, pas shkrirjes së Ministrisë së Integrimit. Ditmir Bushati do të drejtojë tashmë Ministrinë për Europën dhe Punët e Jashtme, citon burimet "Top Channel". Duket që kryeministri ka reflektuar pas kritikave edhe të ambasadores së BE- së, Romana Vlahutin se ishte e paqartë se kush do të mbulonte integrimin tani e tutje, pas ndryshimit në qeverinë e re. Një ditë më parë, në zyrën e kryeministrit Rama ishin edhe ambasadorë të vendeve të BE- së si dhe ambasadori amerikan, Donald Lu. Gjatë bisedës me ndërkombëtarët mësohet se veç reformave të rëndësishme, Rama ka sqaruar edhe çështjen se kujt do t'i ngarkohet pjesa e integrimit, pas ndryshimit të strukturës së re të qeverisë.