Vasili: Deputetët e LSI- së do të votojnë kundër Ruçit e qeverisë
Kreu i grupit: Kjo shumicë është për shkak të votave të blera, të drogës
Kreu
i grupit të de putetëve të LSI- së, Petrit Vasili, deklaroi dje për mediat se deputetët e LSI- së do të votojnë kundër zgjedhjes së Gramoz Ruçit në krye të Kuvendit, por edhe kundër qeverisë së re. "Është një destrukturim që krijon pesimizëm dhe që demotivon dhe nuk krijon asnjë arsye për ta mbështetur, ndërsa votimi për kryetarin e parlamentit është një votim formal dhe cilido që të ishte kandidati, nuk do të kishte asnjë ndryshim për ne", tha dje për ' TCH', Petrit Vasili. Kryetari i grupit parlamentar të LSI- së thotë se vota kundër nuk ka lidhje me emrin e Gramoz Ruçit. "Për ne nuk ka rëndësi emri. Në fund të fundit bëhet fjalë për një votim që do të ndodhë në një sallë të afektuar rëndë nga vota e 25 qershorit, ku kjo shumicë është shumicë për shkak të votave të blera, të drogës dhe kriminalizimit të proces- it zgjedhor. Çfarëdo kandidature që do të prodhonte do të ishte produkt i këtij kriminalizimi, kështu që për ne në të gjitha rastet nuk ka asnjë interes politik", u shpreh Vasili. Vasili tha se vota kundër si për qeverinë, ashtu edhe për kryeparlamentarin është një vendim i konsoliduar i LSI- së dhe përjashtoi rrjedhjen e votave. "Ne kemi një qëndrim të unifikuar për këtë çështje dhe çështja e votimit nuk është çështje numrash. Ësh-
RALF GJONI
Ralf Gjoni njoftoi dje se ka dorëzuar detyrën e sekretarit ndërkombëtar të LSIsë, duke ia kaluar kompetencat nënkryetares së LSIsë, Kejdi Mehmetaj. Duke falënderuar kryetaren Kryemadhi, Gjoni u shpreh: "Mbetem në pritje të sfidave të reja në të ardhmen e afërt".
të një çështje morali, pasi është e qartë që ka një shumicë dhe një pakicë. Moralisht dhe politikisht ky është një qëndrim i konsoliduar i yni dhe këtu çështja mbyllet", deklaroi Vasili.