Integrimi, Hahn: Duhet dialog dhe një qeveri e përgjegjshme
"Të bëhesh anëtar i BE, një zgjedhje politike, themeltare për vendin" "Duam zgjidhje dhe reforma të vazhdueshme" Presidenti grek ashpërson tonet ndaj Shqipërisë
Eurokomisioneri Jo hannes Hahn i kërkon - Shqipërisë të përmbushë reformat për integrimin e vendit përmes dialogut dhe një qeverie të përgjegjshme. Ai përcolli dje një mesazh për shqiptarët, në kuadër të aktivitetit të organizuar dje në Tiranë për mbylljen e shkollës verore europiane të Këshillit të Integrimit në BE. Komisioneri i BE thekson se të bëhesh anëtar i Bashkimit Europian është zgjedhje politike dhe sociale dhe për të arritur këtë duhet punë dhe reforma të vazhdueshme. Hahn theksoi se për të mundësuar integrimin europian të vendit duhet dialog ndërmjet të gjitha palëve të shoqërisë. Sakaq, ai përcolli mesazhin se Shqipëria duhet të ketë një qeveri të përgjegjshme. "Këtu nga Brukseli do doja t'ju përshëndesja dhe t'ju uroja për një javë të suksesshme të shkollës verore europiane të Këshillit të Integrimit në BE. Të bëhesh anëtar i Bashkimit Europian është një zgjedhje fondamentale politike dhe sociale. Është një çështje identiteti, si dëshironi modelin në jetën dhe shoqërinë tuaj. Zgjedhja për t'u bërë anëtar i Bashkimit Europian është ajo që ju shqiptarët e keni pasur për dekada. Sidoqoftë, kthimi i aspiratave politike në ndryshime konkrete dhe në cilësi të përmirësuar jetese, paqeje, dinjiteti dhe prosperiteti është gjithmonë shumë komplekse dhe kërkuese. Kjo arrihet përmes punës së palodhur, reformave të vazhdueshme si dhe dialogut ndërmjet të gjitha palëve të shoqërisë. Kjo është detyra juaj. Përgatitja për të luajtur një rol të rëndësishëm në procesin e anëtarësimit", deklaroi z. Hahn. Eurokomisioneri për Zgjerimin apeloi për zgjidhje dhe përgjegjshmëri nga ana e qeverisë së re. "Duhet të gjeni zgjidhje, duhet të keni sigurinë përgjegjshmërinë
e qeverisjes jo vetëm për ta sjellë Shqipërinë më afër ndaj standardeve europiane, por ta bëni BE- në një realitet për çdo qytetar në vendin tuaj. Vendosmëria dhe ekspertiza juaj do të jetë shumë e nevojshme pas një
viti intensive reformash dhe zgjedhjesh. Ju do keni një qeveri të re dhe parlament të ri në ditët në vijim. Presim me padurim për këtë dhe mundësitë para nesh. Faleminderit që aplikuat dhe morët pjesë në shkollën ver- "Dita e fundit e punës me mandatin e parlamentarit, që do të thotë që duke filluar nga nesër, jam e papunë. Por sikurse thotë Churchill, dhe kjo është një mundësi shumë e mirë, do mundohem të përmirësohem sepse të përmirësohesh - thotë Churchill - do të thotë të ndryshosh, por që të jesh i përsosur duhet të ndryshosh vazhdimisht".
ore europiane dhe urime Këshillit për punën dhe angazhimin e tyre të çmuar. Ju keni një shans unik për të qenë pjesë e ndryshimit transformues në vendin tuaj", u shpreh komisioneri Johanes Hahn. Ambasadorja e BE në Tiranë, Romana Vlahutin, vlerësoi shkollën verore të integrimit. "Në delegacion ne po shtojmë asistentë, ndaj kushdo mund të aplikojë, është e hapur për shoqërinë civile, por edhe për qytetarët që duan të përfshihen në programe të dialogëve të politikave. Ndaj kontrolloni në vazhdimisht njoftimet tona. Ky lloj procesi mund të jetë vetëm një proces gjithëpërfshirës", tha zj. Vlahutin.