Basha: Protesta antikrim, jo përfshirje në qeverisje

Sot seanca e parë, PD zgjedh drejtuesit e grupit dhe komisioneve parlamentare "Qeveria kontrollon të gjitha pushtetet"

Kreu i PD- së, Lulzim Basha, në mbledhjen e parë të grupit parlamentar akuzoi mazhorancën qeverisëse se nuk i ka dhënë opozitës asnjë pushtet real, ndërkohë që qeveria kontrollon të gjitha instrumentet. Basha e nisi me një mesazh të qartë dhe të prerë. Forca politike që ai drejton nuk do të jetë e përfshirë në qeverisje dhe nuk do të ketë ndarje pushtetesh. Basha vuri në dukje se PD- ja do të jetë në opozitë, derisa shqiptarët do ta votojnë për të qeverisur vendin. Kryedemokrati u dha këshillat e para deputetëve, ndërsa u shpreh se do bëjë opozitë të fortë dhe nuk do ketë ndarje pushteti. Ndër të tjera, ai u shpreh se një opozitë e fortë është një domosdoshmëri për vendin. "Dua ta filloj me një mesazh të drejtpërdrejtë, ne do bëjmë opozitën deri sa shqiptarët të vendosin me votë. Nuk do ketë ndarje pushteti në qeverisje në asnjë rrethanë. Opozita ka një rol të madh dhe një opozitë e fortë është një domosdoshmëri të madhe për vendin. Qëllimi ynë është që të përmbushim këtë mision. Kjo është një kohë kritike për Shqipërinë, ku do përcaktohet integrimi, apo zhytja në korrupsion. Ne kemi disa sfida dhe duhet të bëhemi pengesë që vendi të mos rrëshqasë tek krimi dhe të ndryshojmë politikën. Ne do reformojmë PD", - theksoi z. Basha. Sipas tij, qeveria "madje kontrollon edhe pushtetet jopolitike, që janë të rëndësishme për funksionimin e demokracisë, siç janë mediat dhe një pjesë e mirë e shoqërisë civile". Para grupit të ri parlamentar, Basha mohoi edhe çdo zë për përfshirje në qeverisje, duke theksuar se "ne jemi opozita dhe do të bëjmë opozitën… dhe një opozitë e fortë është më shumë se kurrë e nevojshme për integrimin evropian të vendit. Do të propozojmë zgjidhje morale dhe ligjore në interes të publikut. Do të informojmë dhe sqarojmë njerëzit mbi problemet reale të vendit, do të denoncojmë dhe do të protestojmë kundër keqqeverisjes dhe korrupsionit dhe do të luftojmë kundër drogës dhe krimit. Ne do të jemi alternativa e njerëzve, do të jemi gjithmonë me njerëzit. Shqiptarët e thjeshtë janë më të braktisur se kurrë nga politika e korruptuar e vendit, ne duhet jo vetëm t'i kthejmë ata në qendër të politikës, por t'u japim shpresë", u shpreh kreu i PD- së. Z. Basha kishte një mesazh edhe për deputetët e rinj të Partisë Demokratike, që do të hyjnë sot për herë të parë në Kuvend. Basha pohoi se ligjvënësit e rinj duhet ta dinë se do të sulmohen në botën e ashpër të politikës. "Ne do të reformojmë PD dhe do e modernizojmë atë, do i paraprijë gjithë sistemit politik në vend. Duke nisur nga

sistemi zgjedhor. Na takon ne që të kemi alternativë politike, por edhe morale. Do jemi shembulli i përgjegjshmërisë. Ne do të propozojmë zgjidhjet tona ligjore. Do informojmë njerëzit mbi problemet reale të vendit, do luftojmë kundër korrupsion-

it. Do jemi pranë njerëzve dhe me njerëzit. Shqiptarët e thjeshtë sot janë më të braktisur se kurrë. Opozita jonë nuk do jetë e lehtë. Deputetëve të rinj u uroj suksese. Mirë se vini në botën e ashpër të politikës! Do t'ju sulmojnë dhe do t'ju shajnë,

por do ju duhet të ruani dinjitetin. Puna juaj do t'u shpërblehet me mirënjohjen e njerëzve. Ju jeni njerëzit me përgjegjësinë e madhe në PD. Ju uroj që ta përmbushni me nder këtë detyrë", u shpreh kreu i PD- së. Në përfundim të mbledhjes, Edmond Spa-

ho është zgjedhur kryetar i grupit parlamentar të PD, ndërsa Edi Paloka është propozuar për nënkryetar të Kuvendit. Ndërkohë, Ervin Salianji është zgjedhur sekretar i grupit parlamentar dhe Grida Duma zëdhënëse.