Pagesat e përshpejtuara, shpërndahen 1.9 milionë lekë
Kërkesa- tip dhe dokumentet që duhen dorëzuar në ATP Kompensimi i pronave, si të përfitoni brenda vitit
Agjencia e Trajtimit të Pronave ka përfund uar procesin e shqyrtimit të kërkesave të pronarëve për kompensim financiar me kërkesa të veçanta. ATP bën me dije se aktualisht ka përfunduar shqyrtimin e disa aplikimeve me objekt kompensimin financiar me kërkesë të veçantë dhe me anë të vendimeve të saj ka miratuar pranimin e 4 kërkesave të paraqitura nga subjektet e shpronësuar për kompensim financiar me kërkesë të veçantë, vendimet e të cilave përfitojnë kompensim financiar. Bazuar në të dhënat e vendimeve, që kanë njohur të drejtën e kompensimit subjekteve të shpronësuar, shuma totale që do të shpërndahet është 1.9 milionë lekë, fond i cili do të mbulohet nga Buxheti i Shtetit.
Agjencia e Trajtimit të Pronave po shqyrton kërkesat për pagesa të përshpejtuara. Të gjithë ish- pronarët që kanë një faturë financiare mund të aplikojnë për paratë e kompensimit në një afat kohor nga 1 deri në 5 vjet. Ndërkohë Drejtoresha e Agjencisë së Trajtimit të Pronave ka firmosur dje kompensimin e shtatë pronarëve që kanë kërkuar pagesa të përshpejtuara. Përmes një njoftimi Agjencia e Trajtimit të Pronave se ka përfunduar dje procesi i shqyrtimit të kërkesave të pronarëve për kompensim financiar me kërkesa të veçanta. "ATP bën me dije se aktualisht ka përfunduar shqyrtimin e disa aplikimeve me objekt kompensimin financiar me kërkesë të veçantë dhe me anë të vendimeve të saj ka miratuar pranimin e 7 kërkesave të paraqitura nga subjektet e shpronësuar për kompensim financiar me kërkesë të veçantë", bën të ditur në një njoftim për shtyp. "Nga aplikimet e shqyrtuara deri më tani, rezulton se: Për 6 aplikime, vendimet e të cilave përfitojnë kompensim financiar, për 1 aplikim është vendosur përfundimi i procedimit administrativ. Bazuar në të dhënat e vendimeve, që kanë njohur të drejtën e kompensimit subjekteve të shpronësuar, shuma totale që do të shpërndahet është 8 046 499 lekë, fond i cili do të mbulohet nga buxheti i shtetit. Për këto aplikime si rrjedhojë e implementimit të formulës së kompensimit të miratuar në Ligjin nr. 133/ 2015 buxhetit të shtetit i kursen një shumë prej 58 512 447 lekë"thuhet në njoftim.