Votat e PD- së për Ruçin, kritikët: Përgjegjësia e Bashës, të largohet
Topalli: Kjo nuk është PD- ja, vendi ka mbetur pa opozitë Patozi: Demokratët s'meritojnë përfaqësim poshtërues
Bashkimi i votave të dy deputetëve demokratë me ato të PS- së për zgjedhjen e Gramoz Rucit në krye të Kuvendit ka sjellë reagimin e ashpër të kritikëve të Lulzim Bashës. Ishnënkryetarja e Partisë Demokratike, Jozefina Topalli, dënoi zgjedhjen e Gramoz Ruçit edhe me votat e deputetëve të PD. Ajo akuzon drejtpërdrejt Lulzim Bashën për atë që ndodhi mbrëmë në parlament, në seancën e parë të kësaj legjislature. Sipas saj, kjo nuk është Partia Demokratike dhe vendi është pa opozitë. "Menjëherë pas betimit si deputetë, lista e deputetëve e familjes se Lulzim Bashë, Isufit, kontribuoi në zgjedhjen me 80 vota të Gramoz Ruçit, kryetar të Kuvendit të Shqipërisë, 27 vite pas rrëzimit të komunizmit. Reagimi i demokratëve në rrjetet sociale ka qenë një furtunë. Në fakt, unë nuk u habita që lista e Lulit votoi Ruçin. Prej shumë vitesh, Luli nuk më zhgënjen për asgjë, nuk më zhgënjen as kur qan me lot krokodili për të vrarët e diktaturës; as kur betohet për opozitë ballore dhe flirton me Ramën; as kur proteston për votën e lirë, hyn në qeveri me pa Ramën dhe vetë vjedh votat brenda PD; as kur çon PD në humnerë me minus 230 mijë vota dhe thotë realizuam një fitore morale; as kur voton Ruçin e fill pas kësaj u bashkohet atyre që protestojnë kundra këtij të fundit; as kur thërret me shërbëtorët e tij gaztorë se ia vodhën 3 vota nën reflektorët e dritave të seancës parlamentare, nën xhirimin e 20 kamerave në transmetim direkt, në sy të 3 milionë shqiptarëve dhe me prezencën e pothuaj gjithë trupit diplomatik; as kur e shet dhe e rishet atë që ka mbetur nga PD. Luli nuk më zhgënjen kur thotë ekzaktësisht të kundërtën e asaj që do bëjë", shkruan zj. Topalli në "Facebook". Sipas saj: Ish- ministri Jashtëm, Besnik Mustafaj përmes një postimi në rrjetet sociale ka lëshuar një deklaratë shumë të fortë, duke aluduar se njëri prej atyre kanë votuar pro Gramoz Ruçit është Lulzim Basha. Ai shkruan se këtë gjë ia kanë thënë njerëz të besuar dhe se tani duhet zbuluar se kush është tjetri.