Zgjidhen drejtuesit e komisioneve, PD e LSI "firmosin" paktin e parë
Kuvend, Vasilika Hysi zgjidhet nënkryetare, rikonfirmohet Braçe tek ' Ekonomia' Mimi Kodheli drejton ' Politikën e Jashtme'
Kuvendi miratoi dje emrat e dy nënkry etarëve dhe drejtuesit e anëtarët e komisioneve të përhershme të tij. Deputetët zgjodhën gjithashtu edhe sekretarët e Sekretariateve të Kuvendit si dhe sekretariatet e tij: Sekretariati për Buxhetin e Kuvendit, Sekretariati për Procedurat dhe Votimet, Sekretariati për Statusin e Deputetit, Sekretariati për Kërkimet Shkencore, Bibliotekën dhe Botimet Parlamentare, si dhe Sekretariati për Marrëdhëniet me Jashtë. Ashtu siç ishte vendosur edhe më parë në mbledhjen e grupit parlamentar të PS- së, Vasilika Hysi do të jetë nënkryetare e Kuvendit së bashku me Edi Palokën nga PD. Kjo ka qenë një seancë, ku palët kanë gjetur mirëkuptim me njëra- tjetrën, duke votuar me 122 vota pro e 1 kundër përbërjen e komisioneve. PD e LSI duket se kanë gjetur gjuhën e përbashkët dhe finalizuan marrëveshjen mes tyre për ndarjen e drejtimit të komisioneve kuvendore që i takojnë opozitës. Petrit Vasili i LSIsë do të drejtojë Komisionin e Shëndetësisë dhe pavarësisht propozimit të Tritan Shehut si nënkryetar i Komisionit për Politikë të Jashtme, numri dy i këtij komisioni u zgjodh ish- ministrja Klajda Gjosha. Dy partitë e opozitës kishin zgjedhur kandidatët për këto komisione, por një ditë para votimit në Kuvend është arritur marrëveshja. Deputeti socialist, Ulsi Manja do të drejtojë Komisionin e Ligjeve, ndërsa Ermonela Felaj do të drejtojë Komisionin e Sigurisë. Erjon Braçe rikonfirmohet tek ' Ekonomia' dhe ' Financat', po ashtu edhe Eduard Shalsi tek ' Veprimtaritë Prodhuese'. Ish- ministrja e Mbrojtjes, Mimi Kodheli do të drejtojë Komisionin e Politikës së Jashtme. ' Media dhe Integrimi Europian' i janë be-
NJOFTIM SHITJE ME ANKAND
suar nga opozita, Albana Vokshit dhe Genc Pollos. Komisionet janë gati për të nisur punën javën e ardhshme në Kuvend, pas votimit me 128 vota pro. Ndërkohë dje, ashtu siç kishte lajmëruar kryetari i grupit parlamentar të PS- së, Taulant Balla kundërshtoi kërkesën e kreut të republikanëve, Fatmir Mediu për krijimin e grupit parlamen-
tar republikan. Ai e ka quajtur të papajtueshme me Kushtetutën këtë kërkesë të Mediut. "Nuk është në frymën, qoftë të Kushtetutës apo rregullores së Kuvendit. Në vlerësimin tim është e papranueshme që deputetë të caktuar të ndryshojnë identitetin e tyre politik", deklaroi Balla. Për të krijuar një grup të ri, më vete nga PD, Mediut i nevojiten 6 deputetë demokratë, pasi grupi duhet të përbëhet prej së paku 7 deputetësh, duke e lënë PD në këtë rast me 36 deputetë.