Qeveria e re, Hahn: Përgjegjësi për të përmbushur pritshmëritë

Takimi në Bruksel, komisioneri: Prezenca e ONM, hap i rëndësishëm për zbatimin e vetingut "Përmbushni detyrimet ndaj qytetarëve shqiptarë"

Komisionieri i Zgjerim it, Johanes Hahn in formohet mbi ecurinë e procesit të vetingut, duke vlerësuar rolin e reformës në drejtësi për Shqipërinë. Z. Hahn njoftoi dje se ka zhvilluar një takim me vëzhguesit e Operacionit Ndërkombëtar të Monitorimit, të cilët i ka vlerësuar për profesionalizmin e tyre. "Mirëpres praninë e vëzhguesve të ONM- së, si një hap i rëndësishëm përpara drejt implementimit me sukses të procesit të vetingut. I uroj grupit sukseset më të mira", shprehet komisioneri, duke publikuar foto të takimit me vëzhguesit e OMN- së, të cilët kryesohen nga Genoveva Ruiz Calavera. Zyrtarisht procesi i vetingut për gjyqtarët dhe prokurorët në kuadër të reformës në drejtësi pritet të nisë brenda këtij muaji. Pak ditë më parë, komisioneri foli për procesin e zgjerimit të BEsë, duke thënë se ka shumë nevojë të ofrohet një politikë e besueshme për zgjerimin me vendet e Ballkanit Perëndimor. Të njëjtin mesazh komisioneri e dha edhe gjatë mbarimit të shkollës verore europiane në Shqipëri si dhe gjatë samitit të zhvilluar një muaj më parë në Durrës gjatë takimit me kryeministrat e Ballkani Perëndimor, ku kërkoi që të zbatohen të gjitha reformat e ndërmarra. Brukseli po ashtu pas shpalljes së kabinetit "Rama 2" ka deklaruar se qeveria e re duhet të fokusohet tek zbatimi i reformës në drejtësi e në mënyrë specifike tek procesi i vetingut. Komisioneri për Politikat Europiane të Fqinjësisë dhe Zgjerimit, Johannes Hahn deklaroi se Shqipëria duhet të ketë një qeveri të përgjegjshme. Deklaratat erdhën një ditë para mandatimit të qeverisë së re "Rama 2". Ai foli edhe në lidhje me aspiratat e Shqipërisë për t'u bërë pjesë e BE dhe kushtet që duhet të plotësojë ajo për të hyrë në familjen e madhe europiane. "Të bëhesh anëtar i BE arrihet me punë dhe reforma të vazhdueshme. Duhet dialog ndërmjet të gjitha palëve të shoqërisë. Të bëhesh anëtar i BE është zgjedhje politike dhe sociale", deklaroi komisioneri Hahn. Po dje komisioneri europian për Zgjerimin, Johannes Hahn uroi kryeministrin Rama për formimin e qeverisë. "Uroj kryeministrin e Shqipërisë, Edi Rama, për formimin me sukses të qeverisë", është shprehur Hahn në profilin e tij në "Twitter". Komisioneri nënvizoi se qeverinë e re e presin "përgjegjësi të mëdha për të përmbushur pritshmëritë e qytetarëve". Zëdhënësja e BE- së, Maja Kocijancic, pak kohë më parë theksoi se Uninoni pret nga qeveria "Rama 2" përveç zbatimit të reformës në drejtësi, edhe luftën kundër drogës si dhe adresimin e çështjes së azilkërkuesve.