Shembja e banesave, banorët e Shkozës bllokojnë rrugën 6 orë
Protestuesit: Policia na tërhoqi zvarrë, madje edhe gratë, njëra përfundoi në spital" Qytetarja: 12- vjeçari, i shokuar në komisariat
Dhjetëra banorë të Sh kozës kanë protestu ar ditën e djeshme kundër prishjes së 153 banesave që preken nga projekti i rehabilitimit të lumit të Lanës. Për më tepër se 6 orë, ata kanë bllokuar rrugën të ulur mbi "Urën e Shkozës", e duke mos lejuar kalimin e automjeteve deri në gjetjen e një zgjidhjeje. Kjo situatë krijoi trafik dhe radhët e automobilave arritën mbi 1 km, duke i detyruar drejtuesit e mjeteve të devijojnë rrugën drejt "Ali Demit" në "Farkë". Dy ditë më parë, banorët pretendojnë se kanë marrë një letër ku u bëhej me dije se banesat e tyre do të shemben, por në këtë letër nuk jepej as vlerësimi e as rimbursimi i pronës. Të paktën 153 banesa do të preken nga projekti i zgjerimit të rrugës, që do të nisë nga zona e "Maternitetit të Ri" e deri në rrethrrotullimin e "Shkozës". Sipas protestuesve, në këtë zonë ka banesa të ndërtuara para viteve ' 90, me leje të rregullta ndërtimi, por ka edhe të tjera që janë ende në proces legalizimi që prej 2006- ës.
BANORËT
Gjatë protestës, banorët kanë thënë se prej 4 muajsh iu është premtuar dëmshpërblim dhe ende po presin. "Sot i erdhi fundi durimit. Kemi 4 muaj që presim. Na është premtuar dëmshpërblim. Ka banesa që janë bërë para viteve ' 90 dhe me leje ndërtimi. Na trajtoni si gjithë të tjerët. Na jepni lejen e legalizimin dhe hajdeni bëni çfarë të doni këtu. Ne nuk dinim fare që do vinin fadromat", - thonë ban- orët për "News 24". Policia ka pasur konfrontime të shumta me protestuesit dhe 15 prej tyre janë shoqëruar në komisariat. Banorët thonë se forcat policore kanë ushtruar dhunë mbi ta dhe i kanë tërhequr zvarrë për të zhbllokuar rrugën, ku shumë prej tyre kanë qenë gra. Madje, një grua rreth të 40- ve është shoqëruar në spital pas dhunës së ushtruar. Burime nga Bashkia e Tiranës bëjnë me dije për "Gazeta Shqiptare" se ky projekt nuk është pjesë e Bashkisë së Tiranës, por vjen në kuadër të një projekti të Autoritetit Rrugor Shqiptar së Ministrisë së Transporteve. Ditën e djeshme, deputetja e PD- së për Tiranën, Grida Duma ka shkuar pranë protestuesve dhe ka dëgjuar shqetësimet e tyre. "Një fëmijë 12 vjeç është tani në komisariat. Aty tani, në rajonin 1 janë 16 veta, që kërkojnë pronën e tyre. Ai fëmijë është traumatizuar. Ka mbi 4 orë që rri aty", tha një qytetare. Duma e siguroi që do të shkonin menjëherë në komisariat. "Shteti vjen e të nxjerr përjashta", - tha deputetja e PD- së. Ndërkaq, në momentin kur uniformat blu ndërhynë për të larguar protestuesit, në një video të publikuar në media shfaqet momenti rrëqethës kur një djali të vogël jo më shumë me gjashtë vjeç, i shoqërojnë prindërit për në komisariat. Një tufë policësh, burra e gra, janë aq të angazhuar për të futur me forcë në furgon e policisë nënën e babanë e tij, sa nuk e dëgjojnë që ulëret e të këput shpirtin me fjalët e tij: "Jooo, mos ma merrni babin". Menjëherë pas këtij publikimi nuk ka munguar reagimi i figurave politike në vend. Ish- ministrja e Integrimit, Klajda Gjosha u bëri thirrje autoriteteve që të ndalin prishjet dhe të arrihet sa më parë një marrëveshje mes banorëve, që janë njerëz të thjeshtë dhe të varfër dhe institucioneve përkatëse. Ndërkohë edhe ish- kryeministri i vendit, Sali Berisha postoi pikërisht këtë video në rrjetin social "Facebook", ku shkruan: "E dhimbshme, terror policor ndaj grave dhe fëmijëve në Shkozë".