Cilësia e karburanteve, gjobat 50 mijë deri në 2.2 milionë
Gjobiten 62 karburante e hotele falë masave administrative, 16.9 milionë lekë Shtohen kontrollet në karburante, rriten gjobat
Përgjatë muajit gusht, Inspektorati Shtetëror Teknik dhe Industrial ka gjobitur 62 subjekte të tregtimit me shumicë dhe pakicë të karburanteve dhe të lëndëve djegëse, pajisjeve nën presion dhe instalimeve elektrike. Vlera e gjobave varion nga 50 mijë deri në 1.5 milion lekë, sipas të shkeljeve të konstatuara, ndërkohë që për disa subjekte është ndaluar ushtrimi i aktivitetit, pasi këta të fundit nuk dispononin dokumentacionin e nevojshëm. Po ashtu, për 1 subjekt është vendosur gjobë në masën 2.250.000 lekë, duke qenë se rezulton përsëritës në shkeljet e konstatuara. Ndërkohë në muajin korrik ISHTI bën me dije se subjektet e gjobitura për këtë muaj ishin 14 dhe një pjesë prej tyre ishin përsëritës në shkeljet e konstatuara, ndërsa gjobat variojnë nga 100 0003.000.000 lekë.
Shkaqet për vendosjen e gjobave janë të ndryshme sipas subjekteve, duke fillu- ar që nga mungesa e kushteve teknike, mosregjistrimi i pajisjeve nën presion e deri te mungesa e projektit teknologjik të rezervuarit të gazit. Ndër subjektet e gjobitur, përveç pikave të karburantit ka edhe restorante apo hotele, ndërkohë që vlera totale e gjobave kap shifrën e 16.9 milionë lekëve. Numri i subjekteve të ndëshkuar ka pësuar rritje në krahasim me muajin korrik kur u gjobitën 50 subjekte, me një vlerë totale prej 10.7 milion lekë. Po ashtu, në krahasim me 7- mujorin e parë të vitit, numri i subjekteve të penalizuara është në rritje të ndjeshme, duke qenë se përgjatë gjithë kësaj periudhe u gjobitën në total 72 operatorë.
MASAT
Tregtimi i naftës dhe gazit me pakicë do të kontrollohet veç Inspektoratit Qendror Teknik, edhe nga Inspektorati i Kontrollit të Tregut, që do të krijohet pas miratimit të ligjit për ngritjen e kësaj strukture. Ministria e Energjetikës dhe ajo e Zhvillimit Ekonomik, ka gati projektligjin "Për një ndryshim në ligjin "Për përpunimin, transportimin dhe tregtimin e naftës, të gazit dhe nënprodukteve të tyre". IQT do të kontrollojë aspektit teknik, ndërsa inspektorati i ri, do të kontrollojë cilësinë dhe sasinë e karburanteve. IQT sot kontrollon sigurimin teknik të gjithë produkteve të hidrokarbureve, ndërsa malli që blen qytetari në çdo pikë karburanti sot e tutje do të kontrollohet nga ky Inspektorat i Mbikëqyrjes së Tregut.