Ftesë për LSI- në, Basha: Nisim konsultimet për reformën zgjedhore
Simbolet e komunizmit, Berisha: Të dënohen me ligj, Alibeaj do punojë me gjermanët e ' Adenahuer' "Fraksionet, PD e hapur, kushdo të kontribuojë"
Kreu i opozitës, Lulzim Basha, e cilëson emergjente përmbushjen e reformës së re elektorale, ndërkohë që PD- ja është e gatshme të nisë konsultimet me aleatët. Por, ai ftoi edhe LSI- në që të afrojë qëndrimet për "zgjedhoren", teksa rikonfirmoi se marrëveshja e 18 majit u vra nga Edi Rama. Sipas Bashës, Rama nuk do reformë të vërtetë zgjedhore dhe as votim elektroni, i cili sipas opozitës, është mekanizimi që do ta bënte të sigurt dhe vizën e emigrantëve. Kreu, i opozitës iu kundërpërgjigj qëndrimit të kryeministrit se reforma zgjedhore është pjesë e marrëveshjes së 18 majit. Basha tha se ajo ka vdekur që kur Rama vrau votën e lirë më 25 qershor. Z. Basha i bëri këto deklarata pas mbledhjes së grupit parlamentar, ku ritheksoi edhe një herë disiplinën e punës për deputetët, ndërsa ligjet në rend ditë në komisione janë diskutuar me radhë. Burime brenda mbledhjes së grupit parlamentar të PD- së bëjnë me dije për "GSH' se ish- kryeministri Berisha i kushtoi fjalën e tij nismës për projektligjin për dënimin e përdorimit të simboleve të diktaturës. Për këtë u ngarkua nënkryetari i grupit Enkelejd Alibeaj, i cili do të punojë me fondacionin gjerman "Konrad Adenahuer". Pas mbledhjes me dyer të mbyllura të grupit të PD- së, z. Basha u shpreh se nuk ka marrëveshje me Ramën, pasi ajo ka ' vdekur' dhe sipas tij, kryeministri Rama bleu votat. Kryedemokrati vuri në dukje se reforma zgjedhore është përparësi absolute dhe do bëhet edhe nëse nuk do Rama. "Reforma zgjedhore është urgjencë absolute dhe duke nisur nga kjo javë, ne do nisim konsultimet politike
për t'i shtrirë ato më pas me qytetarët. Nuk ka marrëveshje me Ramën. Ky është një cirk. Marrëveshjen ai e shkeli, pasi në thelb kishte votën e lirë. Qëndrimi im për marrëveshjen 18 majit është shprehur nga unë në seancën e parë në Kuvend. Thelbi është se marrëvesh-
ja vdiq. Ai bleu votat dhe angazhoi kriminelët. Reforma zgjedhore është domosdoshmëri dhe do të bëhet do apo nuk do kryeministri. Të mendosh se Rama do reformë zgjedhore, kjo është një gënjeshtër e pastër. Votimi elektronik është përparësi absolute. Përtej
deklaratave, ne kërkojmë nisjen e reformës zgjedhore. Falë shitblerjes së votës, Rama është akoma kryeministër. PD ka qenë dhe është që gjithkush të gjejë veten", - tha Basha. Kreu i PD- së u shpreh se kushdo dëshiron të kontribuojë për forcën politike
që ai drejton, është i mirëpritur. Duke folur për mediat, në përfundim të mbledhjes së grupit parlamentar të PD, Basha tha se kjo parti politike është e hapur për këdo që do të kontribuojë. Me këtë përgjigje të shkurtër të tij, Basha shprehu qëndrimin e tij të prerë për
fraksionet brenda partisë. "PD ka qenë dhe është e hapur dhe do të bëjë gjithçka që kushdo që do të kontribuojë, të gjejë veten e saj ose të tij në çdo formë përfaqësimi, nga forumet më të larta e deri tek aktiviteti i anëtarëve të Partisë Demokratike", theksoi z. Basha.