Shemben 3 banesat e para në Shkozë
Policia blindoi zonën, të armatosur dhe me antiplumb mbi urë nuk lejonin askënd të kalonte perimetrin Banorët: Po boshatisim shtëpitë, jemi në mëshirë të fatit Nëna e dy fëmijëve: Si tentova vetëvrasjen, e rënduar psikologjikisht
Fadromat e INUK- ut kanë filluar shembjen e banesave në Shkozë ditën e djeshme, në kuadër të projektit të ARRSH- së për rehabilitimin e Lanës. Që prej orëve të para të mëngjesit të ditës së martë, përfaqësues nga IKMT- ja dhe INUKu kanë trokitur në dyert e familjeve të Shkozës për t'i njoftuar se duhej të nxirrnin jashtë plaçkat sepse pas pak do të fillonte shembja e shtëpive. Në total vetëm dje u shembën 3 ndërtesa, ku një ndër to ka qenë ajo e vogëlushit që qante me ngashërim për familjarët në videon që bëri bujë ditën e protestës. Banorëve iu është dashur që të boshatisin shtëpitë në një kohë shumë të shkurtër e disa prej tyre kanë lënë një pjesë të plaçkave në rrugë. Një nga vëzhguesit e IKMT- së, inspektues gjatë shembjeve, bën me dije për "Gazeta Shqiptare" se fillimisht do të shemben shtëpitë e palegalizuara dhe aksioni do të vazhdojë edhe në ditët në vijim. Ndërkaq, forca të shumta të policisë blinduan zonën, duke ngritur një perimetër në të cilin nuk mund të hynin as banorët, as media. Por në këtë aksion ishin prezente edhe forcat e "Shqiponjës", ku dy prej tyre qëndronin mbi urë të armatosur me kallashnikov e të veshur me jelek antiplumb. Gjithashtu, në zonën e izoluar ishin rreshtuar rreth 5 furgonë të FNSH- së, e kjo sipas tyre për të shmangur trazirat e mundshme që mund të shkaktonin banorët. Ndërkohë, nuk ka pasur asnjë reagim nga ana e familjeve kundrejt policisë, shumë prej tyre iu është dashur të pranojnë faktin e rrënimit të shtëpive dhe kanë filluar boshatisjen e tyre. Ndërsa, fëmijët që po ktheheshin nga shkolla mesditën e së djeshmes, kanë hasur me barrierën që ka vendosur policia në urën e Sh- kozës. Nxënësve, me çanta në krahë, iu është dashur të kalojnë rreth e përqark, në rrugën plot makina për të arritur në shtëpi.
BANORËT
Dje, banorët e lagjes nr. 1 në Shkozë treguan se kjo situatë i ka gjetur të papërgatitur. "Na thanë që do të vinin ditën e enjte për të gjetur një gjuhë të përbashkët me ne, madje personalisht më thanë që, edhe pse jam skualifikuar nga procesi i legalizimit, shteti do më paguajë qiranë në një shtëpi tjetër për dy muaj. Por asgjë nga këto nuk ndodhi, na prenë në besë", - shprehet kryefamiljari i një prej banesave të shembura. Ndërkaq, deri më tani, nuk është dorëzuar asnjë njoftim me shkrim që t'i lajmërojë banorët për prishjen e ndërtesave dhe kur kanë parë fadromat janë traumatizuar. "Terror të tillë nuk kam parë as në kohë lufte! Kanë ngritur shtetrrethim sikur jemi kriminelë dhe asnjë përfaqësues i shtetit nuk jep qoftë edhe një deklaratë, askush prej tyre s'ka ardhur që të na sqarojë se çfarë po ndodh", - tregon 75- vjeçari, shtëpia e të cilit pritet të shembet brenda këtyre ditëve. Plot 153 banesa në Shkozë do të shemben, në kuadër të projektit për zgjatimin e bulevardit të Lanës, në kompetencë të ARRSH- së dhe Ministrisë së Transporteve. Shumë prej shtëpive kanë qenë në proces legalizimi dhe disa ditë më parë kanë marrë një letër ku njoftoheshin se skualifikoheshin Një
prej banorëve të zonës, nënë e dy fëmijëve, tre gon për "Gazeta Shqiptare" se dy ditë më parë ka qenë tepër e rënduar psikologjikisht. "U përpoqa 25 vjet për këtë shtëpi, kam leje ndërtimi, kam derdhur gjakun e mundin e një jete, dhe vjen një ditë që një projekt të merr gjithçka", - tregon 35- vjeçarja. Ajo qan me dënesë ndërkohë që tregon se u përpoq të kryente vetëvrasje pas gjendjes së rënduar psikologjike. "Teksa po mblidhja plaçkat, po shikoja shtëpinë, më kujtohej kur merrja bashkë me bashkëshortin kovat me llaç për ta ndërtuar, kur haja trahana tri herë në ditë nga varfëria. Dhe në atë moment, u ngjita në ballkon dhe mendova t'i jap fund jetës. Ndihesha e padobishme për fëmijët e mi, nuk mund t'i mbroj ata, nuk mund t'u siguroj një çati ku të fusin kokën", - shprehet ajo. Por, familjarët kanë ndërhyrë në kohë dhe i kanë shpëtuar jetën nënës së dy fëmijëve.
nga legalizimi. "Kam bërë kërkesë për legalizim që prej vitit 2006, por shteti na zvarriti dhe nuk e mora dot hipotekën. Sot, pasi të
mbledh gjithë plaçkat, do të shkoj të jetoj në bodrumin e shtëpisë së prindërve të mi", - tregon Anila, nënë e dy të miturve.