Shehi: Gabuam sepse e menduam të fituar ndeshjen
Kapiteni i Skënderbeut beson se korçarët do dhurojnë ndeshje të mira, pavarësisht ngarkesës Durrsaku thotë se ekipi vuajti lodhjen e Kievit
Orges Shehi është një nga pikat më të forta të Skënderbeut, por dje ndaj Kamzës nuk arriti dot ta mbante portën të paprekur, pasi i shënoi një tjetër durrsak, sulmuesi Emir Rezi. Në një intervistë të dhënë për "www. sportal. al", Shehi analizon përballjen e fundit me Kamzën, mungesën e rezultatit pozitiv. Në fokusin e tij është edhe Partizani, kundërshtari i së dielës në kampionat. Nuk mbeten mën- janë Europa dhe shitja e Liridon Latifit.
Shehi, barazim në ndeshjen e fundit me Ka- mzën. Çfarë mendoni se nuk shkoi në këtë takim për Skënderbeun?
E filluam mirë ndeshjen, por nuk ishim agresivë që ta mbyllnim ndeshjen. Duhej të ishim më agresivë për ta mbyllur takimin.
Ndikoi lodhja me Dinamon e Kievit?
Ndoshta deri diku pak lodhja, por jo se ishte përcaktuese. Menduam se e fituam takimin pa mbaruar akoma. Pas pësimit të golit, skuadra reagoi, kishte dhe raste, por nuk arritëm të shënonim.
Partizani nuk ka shënuar deri më tani. Si do ndiheni po të jeni ju i pari që do i shënonin në kampionat sivjet?
Ndeshja e radhës dhe me ekip rival; do bëjmë maksimumin të kthehemi te fitorja.
Pas Partizanit, ndesheni me Jong Bojs në "Elbasan Arena". Sa do të ndikonte tek ekipi një fitore ndaj Partizanit?
Kjo periudhë është e ngarkuar për ne, pasi marrim pjesë në dy kompeticione, por ndryshojnë kompeticionet nga njëri- tjetri. Për ne është shumë i rëndësishëm kampionati. Besoj se fitorja na shërben edhe për kampionatin edhe për anën psikologjike për ndeshjen me Jong Bojs.
Sa ndikon Europa, si në aspektin fizik, por edhe në motivimin e skuadrës në kampionat?
Kemi skuadër në role të dubluara, por dhe nga aspekti psikologjik mendoj se ndikon për mirë. Ka raste që ndikon dhe paksa për keq, sepse në momente të veçanta nënvlerëson kundërshtarët dhe mund të goditesh.
A mendoni se është në gjendje Skënderbeu t'i përballojë të tria kompeticionet?
Mendoj se po, pasi ka organikë të bollshme lojtarësh.
Sa e ka dobësuar shitja e Latifit Skënderbeun?
Latifi ishte lojtar i rëndësishëm për ne dhe iku në momentet e fundit. Normal që ka lënë boshllëk, por shpresoj që çunat që kanë ardhur të mundohen ta zëvendësojnë denjësisht, se kanë cilësi.
Mos po pretendon shumë Skënderbeu me objektivin për kalimin e grupit në Europa Ligë?
Objektivi është të marrim pikë ndeshje pas ndeshjeje. Shpresojmë të marrim pikë me Jong Bojs.