Rama: Shqipëria e angazhuar për sigurinë, jo vetëm në rajon
Kryeministri takon Sekretarin e Përgjithshëm të OKB, Antonio Guterres "Njohja e Kosovës, kontribut i drejtpërdrejtë për stabilitet"
Kryeministri Edi Rama pati dje, një takim në selinë e Kombeve të Bashkuara në NjuJork me Sekretarin e Përgjithshëm të OKB- së, Antonio Guterres. Sipas njoftimit të Kryeministrisë, në takim u shkëmbyen pikëpamje mbi sfidat e zhvillimit dhe u theksua nevoja e bashkërendimit të kontributeve të të gjithëve në adresimin e këtyre sfidave. Sekretari Guterres përgëzoi Shqipërinë për Integrimin e Objektivave të Zhvillimit të Qëndrueshëm në Strategjinë Kombëtare të Zhvillimit. Situata politike dhe ajo në fushën e sigurisë në Ballkanin Perëndimor ishin në fokus të takimit. Kryeministri Rama garantoi se Qeveria shqiptare është e angazhuar me përkushtim të lartë për paqen e sigurinë jo vetëm në rajonin tonë, por edhe më gjerë. Në këtë aspekt, kryeministri Rama nënvizoi se njohja e Kosovës nga të gjitha vendet është një kontribut i drejtpërdrejtë për sigurinë e stabilitetin e të gjithë rajonit dhe të të gjitha vendeve të tij. Kryeministri Edi Rama po ashtu vlerësoi rolin dhe kontributin e agjencive të OKB- së në Shqipëri në procesin e reformave. Prej ditësh, kryeministri Rama ndodhet në Nju- Jork, ku mori pjesë në sesionin e 72- të të Kombeve të Bashkuara. Gjatë fjalës së tij në njërën prej seancave, Rama u shpreh se "një nga prioritetet kryesore kombëtare për vendin tim është anëtarësimi në Bashkimin Europian. Ky nuk është vetëm një objektiv i politikës Gjatë vizitës në SHBA, kryeministri Edi Rama ka darkuar me bankierin shqiptaro- amerikan Richard Lukaj. Rama në darkën me shqiptarin e njohur nga Kosova ka qenë i shoqëruar nga bashkëshortja, Linda. Në një status të tij në "Facebook", Richard Lukaj shkruan ndër të tjera: "Faleminderit kryeministrit shqiptar që na lejoi mua dhe bashkëshorten të bashkojmë fëmijët tanë në tryezë dhe të ndajmë së bashku mesazhe optimiste".
sonë të jashtme; nuk është thjesht një marrëdhënie kontraktuale e zakonshme. Për ne, integrimi europian qëndron në zemrën e zhvillimit tonë të përgjithshëm, pasi prek çdo qelizë të arkitekturës sonë të zhvillimit". "Ne jemi të vendosur të ndërtojmë themelet që konsolidojnë shtyllat e një shteti demokratik, të një ekonomie funksionale dhe një qeverie që punon për qytetarët e saj. Ne duam të matim progresin tonë me rezultate, dhe Reforma rrënjësore në Drejtësi që po zbatojmë është shembull i shkëlqyer. Ne presim që partnerët tanë të BE- së të bëjnë pjesën e tyre dhe të hapin rrugën drejt çeljes së bisedimeve të anëtarësimit", - u shpreh Rama. Duke shpalosur objektivat e qeverisë që do të drejtojë për katër vjet, Rama u shpreh se synimi është rritja e mëtejshme ekonomike.