Relacioni i PD- së: Mbështetje për organet e reja
Grupi parlamentar do të thërrasë në dëgjesa e interpelanca 4 ministra, debat i ashpër për mbetjet Halimi: Të mos preken pagat, shtim të numrit të këshilltarëve
Grupi Parlamentar i PD- së vendosi dje, të aktivizojë mekanizmat e ' luftës' brenda parlamentit, qysh këtë javë. Në mbledhjen e tij të mbrëmshme, deputetët caktuan si detyrë të thirren në dëgjesa në komisionet parlamentare dhe interpelancë në seancën e së enjtes disa nga ministrat. Mësohet se PD- ja do të thërrasë 4 ministra në komisione dhe në seancën e së enjtes. Ministrja e cila pritet të thërritet në interpelancë të enjten do jetë ajo e Arsimit dhe Sportit, Lindita Nikolla, lidhur me problemet me Arsimin dhe ato për tekstet shkollore që vazhdojnë edhe këtë vit. Po kështu, në listë janë edhe ministri i Financave Arben Ahmetaj, e Shëndetësisë Ogerta Manastirliu dhe ministri i Energjisë dhe Infrastrukturës Damian Gjiknuri. Po kështu, i ashpër do të jetë debati i PD- së në Kuvend në lidhje me dy nga çështjet më të rëndësishme, siç janë vetingu dhe ligji i mbetjeve. Sipas vendimit që është marrë sot në mbledhjen e grupit parlamentar, deputetët e opozitës do kërkojnë llogari për mosrespektimin e rregullores dhe vonesat me diskutimin e dekretit të presidentit për rish- qyrtimin e ligjit që parashikon importin e mbetjeve. Ashtu siç deklaroi edhe paradite deputeti Eduard Halimi, PD- ja ka vendosur të mbështesë fort kërkesat e komisionerëve të vetingut për krijimin e infrastrukturës për nisjen e punës. Kështu, dje u bënë publike edhe amendamentet që PD- ja do të paraqesë në seancën e së enjtes për këtë çështje.
RELACIONI I PD- SË
Partia Demokratike ka paraqitur një relacion mbi strukturat administrative dhe klasifikimin e pagave për tre organet e rivlerësimit, Komisioni i Pavarur i Kualifikimit, Kolegji i Apelit dhe Komisioneri Publik. Relacioni përmban 6 pika dhe thekson se çdo ndryshim në strukturat e organeve të riv- lerësimit, duhet të bëhet në bashkëpunim dhe dakordësi të plotë me vetë organet e rivlerësimit. Kuvendi duhet të mbështesë çdo kërkesë të tyre, duke shprehur në këtë mënyrë vullnetin e tij për të vënë në dispozicion të gjitha burimet njerëzore dhe financiare që çmohen të nevojshme nga ana e tyre. Pika e parë e relacionit është vota pro ndaj tre projektvendimeve. Pika e dytë e relacionit thotë se PD- ja shpreh mbështetjen ndaj gjithë procesit të vetingut, që ai të realizohet në mënyrë të pavarur, nga organe të pavarura dhe të pakontrolluara nga qeveria. Gjithashtu PD- ja thotë se mbështet çdo kërkesë për burime njerëzore dhe financiare nga organet e vetingut.