Basha: Edi Rama po saboton vetingun
Kreu i PD: Ulemi në tryezë për reformën zgjedhore, por varet nga qëndrimi për 25 qershorin "Kryeministri të ndajë mendjen, o me bandat, o me drejtësinë"
Kryetari i PD- së, Lul zim Basha, deklaroi dje se kryeministri Rama ka vendosur të sabotojë që në hapin e parë procesin e vetingut. Duke sqaruar vendimet e marra nga ligjvënësit demokratë, në mbledhjen e grupit, në përgatitje për seancën e së enjtes në Kuvend, Basha u shpreh për gazetarët: "Me urdhër të Edi Ramës, maxhoranca ka shkurtuar në komision parlamentar me pothuajse 40% kërkesat e komisionieve të vetingut. Edhe sot ( dje) e dëgjuam Edi Ramën të justifikonte këtë si një akt gjoja për të mbrojtur paranë e taksapaguesit. Në fakt, është i njëjti Edi Ramë që e ka zgjidhur qesen dhe paguan më shumë personel në Kryeministri se ç'paguan Donald Trump- i në Shtëpinë e Bardhë. Gjysmën e ka sharës me pagesë të kundërshtarëve politikë, të opozitës, të mediave, të çdokujt që del kundër praktikave të korruptuara apo vendimeve të qeverisë së tij. Para për sharës me pagesë ka plot". "Qindra- mijëra euro, milionë lekë të taksapaguesve shqiptarë hidhen ditë për ditë për të paguar njerëz që nuk i sjellin asnjë shërbim qytetarit. Ndërsa, për procesin më të rëndësishëm, që është procesi i reformimit të drejtësisë, procesi i vetingut, nuk gjenden para për të mbështe- tur me këshilltarë organet e vetingut. Ky është një akt djallëzor sabotimi i reformës në drejtësi", deklaroi Basha. Sipas tij, kjo bëhet me një qëllim të caktuar: "Pa ndihmën e duhur, pa këshilltarët që do të bëjnë të mundur një proces transparent, profesional dhe të shpejtë, vetingu do të kalojë në kalendat greke dhe do të mbetet në dorë të ekzekutivit, do të mbetet në dorë të Edi Ramës, do të mbetet në dorë të drejtorëve të Edi Ramës që ka qenë prej fillimit plani i tij". I pyetur se sa qëndron ky argument ndërkohë që ishte PD që bllokoi vetingun, Basha Në një seancë të gjatë dëgjimore në Komisionin e Edukimit me ministren e Arsimit, Lindita Nikolla, deputetët e PD- së kërkuan sqarime nga ministrja për problemet që kanë konstatuar në zonat e tyre. Deputetja Albana Vokshi i kërkoi Nikollës të bëjë transparencë për gjendjen e arsimit në zonat rurale. PD denoncoi lëvizjet e bëra në arsimin parauniversitar, ku vetëm në Fier janë shkarkuar brenda një ditë 20 drejtues shkollash. Ministrja i cilësoi "gënjeshtra", akuzat e opozitës.
tha: "Është fare e qartë që ne nuk bllokuam vetingun. Ne bllokuam një përpjekje për ta kapur vetingun. Vetingu u votua në Kushtetutë nga Partia Demokratike". "Me fjalë, Edi Rama ka dalë si kampion i vetingut, me fakte del kundër vetingut. Po saboton që në hapin e parë vetingun dhe kjo për një arsye fare të thjeshtë. Edi Rama duhet të ndajë mendjen, nuk mund të jetë edhe me bandat, edhe me drejtësinë. Nuk mund të jetë edhe mbrojtësi, edhe përfituesi i bandës së Elbasanit, bandave të Durrësit, bandave të Vlorës, bandave të Shkodrës dhe të Lezhës dhe nga
ana tjetër të na dalë si kampioni i drejtësisë". Të dyja nuk rrinë në një vend. Kaq e kupton çdo shqiptar, i djathtë, apo i majtë; demokrat apo socialist, me shkollë, apo pa shkollë. O me bandat, o me drejtësinë. Ne kemi zgjedhur të qëndrojmë fuqishëm në mbështetje të reformimit të drejtësisë. Ndaj, të enjten grupi parlamentar i Partisë Demokratike do të propozojë në seancë plenare amendamentet për të rivendosur atë që kanë kërkuar organet e pavarura të vetingut. Ne do të jemi në krah të organeve të pavarura të vetiungut që të kenë mbështetjen e plotë financiare dhe me personel dhe të mos jenë në mëshirën e një njeriu, i cili deri më sot me fakte ka zgjedhur bandat dhe jo drejtësinë. Sa i përket reformës zgjedhore, Basha u shpreh se PD do të ketë propozimet e saj për këtë reformë, që do të hartohen edhe në konsultim me aleatët politikë. I pyetur nëse do të pranonte të ulej sërish në tryezë me Edi Ramën, Basha tha: "Unë jam ulur e me siguri do të ulem edhe me pasardhësin e Edi Ramës. Nuk është ky problemi. Problemi është a do të zgjidhim diçka dhe kjo varet tërësisht nga qëndrimi që Edi Rama do të mbajë ndaj procesit deformues të 25 qershorit. Nëse zgjedh si ka zgjedhur deri më sot, të mbyllë sytë para faktit që ka një mazhorancë fiktive, e cila nuk ka dalë nga vullneti i shqiptarëve, nga vota e ndershme e shqiptarëve, atëherë kursi tjetër është kursi i përballjes dhe për këtë Partia Demokratike dhe aleatët janë më të bashkuar dhe më të vendosur se kurrë".