Dosja "Shullazi", Ilirjan Muho: Ish- hotel "Vollga" u regjistrua kur isha me pushime
Fehmi Zaka: Nuk i njoh të pandehurit, kam pasur probleme me ndërtuesin Fatmir Sinani Ish- kreu i Hipotekës rrëfen bisedën me të pandehurin
Në Gjykatën e Kri meve të Rënda dësh moi dje ndaj Emiljano Shullazit ish- kreu i Hipotekës, Ilirjan Muho. Gjatë seancës gjyqësore ku i pandehuri Shullazi nuk ishte i pranishëm, Muho deklaroi se në periudhën kur është bërë regjistrimi i ish- hotel "Vollgës", nuk ka qenë prezent pasi ishte larguar me pushime. Ai u shpreh se në muajin gusht e ka kontaktuar në telefon shtetasi Alban Dabulla dhe e ka njoftuar që "Vollga" është regjistruar në emër të biznesmenit Ylvi Beqaj. Por Muho tha para trupës gjykuese, se i është përgjigjur Dabullës se kjo bisedë do të vazhdonte kur të kthehej në zyrë pas pushimeve. Më tej, ish- kreu i Hipotekës tregoi se gjatë takimit me Dabullën në zyrën e tij, ky i fundit e kishte ofenduar. "Gjatë diskutimit, Dabulla ka dalë jashtë kontrollit duke sharë dhe ofenduar drejtorin e Hipotekës së Durrësit, Jurgis Çyrbja. Situata u përkeqësua dhe në këtë moment kam kërkuar që Dabulla të nxirrej jashtë", - tha dje Ilirjan Muho. Ish- kreu i Hipotekës theksoi para trupit gjykues se, pasi është njohur me rastin, ka vendosur të pezullojë veprimet për ish- hotel "Vollgën", dhe se pasi kishte kryer këto procedura është kontaktuar nga Ylvi Beqaj dhe Emiljano Shullazi, të cilët i kanë kërkuar një takim. Muho sqaroi para togave të zeza, se gjatë takimit të kryer në një lokal në zonën e "Parkut të Autobusëve", Shullazi dhe Beqja i janë prezantuar si bashkëpronarë të ish- hotel "Vollgës". "Në kafe diskutuam për pronësinë e objektit dhe i vura në dijeni që janë pezulluar veprimet dhe që nuk lejohet tjetërsimi i pronës", - tha Muho. Më tej, sipas Muhos, Ylvi Beqaj ka shkuar në zyrën e ish- kreut të Hipotekës me një avokat dhe ka dërguar dokumentacionin, dhe ka qenë zyra juridike ajo që është marrë me dosjen.
FEHMI ZAKA
Në seancën e mbajtur dje ndaj Emiljano Shullazit u thirr për të dëshmuar edhe Fehmi Zaka, babai i Jani Zakës, i cili sipas prokurorisë është kërcënuar nga Shullazi dhe grupi i tij. Ndërkohë, në dëshminë e dhënë dje, Fehmi Zaka deklaroi se nuk i njeh as Emiljano Shullazin dhe as Gilmando Danin. 74- vjeçari pohoi në gjykatë se problemin për pronësinë e një parkimi në Tiranë e kishte me ndërtuesin Fatmir Sinani. Më tej Romeo Tarja, truproja e biznesmenit Ylvi Beqaj, dëshmoi se Beqaj kishte një partneritet të mirë me Shullazin. "Në dijeninë time Beqaj nuk është kërcënuar nga Shullazi, sepse ishim miq dhe do më kishte thënë", dëshmoi Tarja në seancën e mbajtur dje ndaj të pandehurit Emiljano Shullazi dhe anëtarëve të grupit të tij.