Aktivitete sensibilizuese për të rinjtë në Ditën Botërore të Kontracepsionit
"Kjo është jeta juaj, është përgjegjësia juaj", ndërgjegjësimi në shkolla Lumturi Mërkuri: Numri i aborteve, në rënie
tensifikohet. Çdo rreth ka pasur specifikat e veta, ndërsa në Tiranë menduam që të fokusoheshim në shkollat e mesme, ku nën moton "Kjo është jeta juaj, është përgjegjësia juaj", u munduam të inkurajojmë të rinjtë të përdorin kontracepsionin në planet e tyre për të ardhmen, për parandalimin e shtatzënive të paplanifikuara dhe infeksioneve seksualisht të transmetueshme IST.
Çfarë është planifikimi familjar?
Planifikimi familjar përforcon të drejtat e njeriut për të përcaktuar numrin e fëmijëve të tyre dhe hapësirën nga njëra lindje tek tje- tra, pra për të lindur aq femijë sa duan dhe kur i duan. Duke parandaluar shtatzëninë e padëshiruar, planifikimi familjar/ kontracepsioni parandalon vdekjen e nënave dhe fëmijëve.
Cilat janë disa nga përfitimet e planifikimit familjar?
Planifikimi familjar mundëson vonimin e shtatzënisë dhe pakëson rrezikun për probleme shëndetësore dhe vdekje prej shtatzënive në moshë të hershme, gjithashtu redukton nevojën për abort të pasigurt dhe rrjedhimisht redukton vdekjet prej këtyre aborteve. Por, planifikimi familjar luan një rol të rëndësishëm edhe në reduktimin e vdekshmërisë foshnjore, parandalimin e HIV/ AIDS, reduktimin e shtatzënive tek adoleshentët si dhe në fuqizimin e njerëzve dhe rritjen e arsimimit.
Si rezulton situata e planifikimit familjar në Shqipëri?
Në Shqipëri shërbimet e Planifikimit Familjar kanë filluar me liberalizimin e abortit në prill të vitit 1991 dhe VKM- në që lejoi ofrimin e këtyre shërbimeve. Nga janari i 1996 kontraceptivët ofrohen falas në të gjithë vendin në Shërbimet Shëndetësore Publike - në 425 qen- dra shëndetësore qytet apo fshat në tri nivelet e kujdesit shëndetësor: qendrat shëndetësore dhe ambulanca në qytet dhe fshat; qendrat e planifikimit familjar në maternitetet e rretheve dhe qendrat e gruas pranë Spitaleve Universitare Obstetrik- Gjinekologjik materniteti "Nëna Geraldinë" dhe "Koço Gliozheni" në Tiranë.
Si paraqitet numri i aborteve në vendin tonë krahasuar me vitet e mëparshme?
Në Shqipëri është konstatuar një ulje e numrit të aborteve, pra ka ndjekur trendin në rënie të lindjeve, kjo për shkak të rritjes së ndërgjegjësimit mbi përdorimin e kontraceptivëve në vendin tonë. Miliona gra të moshës riprodhuese në gjithë botën do të donin të shmangnin shtatzëninë, por ato nuk përdorin asnjë metodë kontraceptive. Rrjedhimisht rreth 41% e shtatzënive çdo vit janë të padëshiruara dhe më shumë se gjysma e tyre përfundojnë në abort.
Cilat janë disa nga metodat më të përdorura kontraceptive?
Kontraceptivi oral ( pilulat, tabletat) janë ndër metodat e kontracepsionit të përdorura më gjerësisht nga femrat në të gjithë botën që nga viti 1960. Gjithashtu, metoda të tjera si kontracepsioni injektabël, i cili aplikohet nga personeli shëndetësor 1 herë në 2 apo 3 muaj, në varësi të llojit të kontraceptivit. Kontracepsioni i urgjencës, që është menduar për përdorim emergjent në situata pas një marrëdhënie seksuale kur nuk janë përdorur kontraceptivët; dispozitivi Intra Uterin- DIU, i cili mbron nga një shtatzëni e padëshiruar për një kohë të gjatë, që në varësi të DIU shkon deri në 10- 12 vjet si dhe prezervativi, e vetmja metodë kontraceptive që siguron mbrojtje të dyfishtë. Metoda kontraceptive të tjera janë: kondomët femërore, metoda e ditëve standarde, implantet, metoda e amenorresë së laktacionit, tërheqja apo metoda tradicionale.