Projekti i Pyllit Orbital merr jetë, Bashkia e Tiranës mbolli 200 pemët e para
Veliaj: Të shtojmë aktivitetet argëtuese për banorët
Projekti
i Bashkisë së Tiranës për krijimin e një Pylli Orbital, që do të rrethojë kryeqytetin me një brez me 2 milionë pemë ka nisur të vihet në jetë. Në liqenin e Farkës, ditën e djeshme Bashkia e Tiranës dhe DHL kanë filluar mbjelljen e fidanëve të rinj. Kryebashkiaku Erion Veliaj tha se aksioni për mbjelljen e pemëve do të shtohet në muajt në vijim. "E fillojmë mbarë këtë stinë mbjelljesh me 200 pemët e para, për të vijuar deri në mars të vitit tjetër. Është pjesë e konceptit tonë për Pyl-
ERION VELIAJ
"E fillojmë mbarë këtë stinë mbjelljesh me 200 pemët e para, për të vijuar deri në mars të vitit tjetër. Është pjesë e konceptit tonë për Pyllin Orbital dhe duam që pas Parkut të Liqenit, që tashmë vizitohet rregullisht nga 300 mijë qytetarë edhe në zonën e Farkës të shtojmë aktivitetet argëtuese, sporte dhe organizime në natyrë", tha kryebashkiaku.
lin Orbital dhe duam që pas Parkut të Liqenit, që tashmë vizitohet rregullisht nga 300 mijë qytetarë, edhe në zonën e Farkës, që shtrihet në Njësinë 2 dhe në Dajt të shtojmë
aktivitetet argëtuese, të kemi më shumë animime, sporte dhe organizime në natyrë", tha Veliaj. Ai u bëri thirrje kompanive dhe qytetarëve që t'i bashkohen kësaj nisme, që synon shtimin e hapësirave të gjelbra në kryeqytet, por edhe përmirësimin e jetës së komunitetit. Drejtori i Agjencisë së Parqeve dhe Rekreacionit, Blendi Gonxhe, vlerësoi punën e realizuar deri më tani dhe kujdesin e treguar për Parkun e Farkës, ndërsa deklaroi se fundi i muajit shtator do të jetë i mbushur me aktivitete të shumta. Ndërkaq, drejtori i përgjithshëm i DHL, Qirjako Koçollari, u shpreh se ky investim e bën qytetin jo vetëm më të jetueshëm, por edhe më tërheqësh për investitorët. Në njësinë administrative Farkë janë mbjellë 3000 fidanë të drurëve dekorativë e pyjorë në territore publike, si dhe 2000 rrënjë fidanë ulliri. Parku i Farkës po shfrytëzohet jo vetëm si ambient çlodhës për komunitetin e shtuar të banorëve në këtë zonë, por edhe nga turistët ditorë për aktivitete sportive.