REXHEP QOSJA, "QYTETAR NDERI' NË MALËSINË E MADHE

Me

nismën e kryetarit të bashkisë së Malësisë së Madhe, Tonin Marinaj, këshilli ka miratuar me shumicë votash nismën për të shpallur qytetar nderi disa nga figurat që kanë kontribuar në fushat e tyre përkatëse, raporton ATSH.

Një ndër këta emra është shkrimtari i njohur Rexhep Qosja. Nderimi i jepet me motivacionin: "Për vlerat e larta në fushën e studimeve gjuhësore, krijimtarisë letrare dhe etno- kulturore shqiptare në përgjithësi dhe për kontributin e tij atdhetar në themelimin e Kosovës së pavarur në veçanti".

Është autor i mbi tridhjetë librave me studime për letërsinë dhe kritikë letrare, prozë artistike, tregime, romane dhe drama, publicistikë e shkrime polemike. Ka botuar shumë recensione, vështrime, artikuj, sprova, trajtesa e studime në revista shkencore e letrare, duke trajtuar në to çështje të veçanta të letërsisë shqipe dhe të krijimtarisë letrare në përgjithësi. Disa punime dhe vepra të tij janë përkthyer në gjuhë të tjera.

Për krijimtarinë shkencore e letrare është çmuar me: Shpërblimin e qytetit të Prishtinës, më 1968; me Shpërblimin Krahinor të Dhjetorit më 1969; me dy shpër- blime të SHSH të Kosovës, më 1972 dhe 1974 dhe me Shpërblimin e RS të Serbisë - "7 Korriku", më 1975, me Çmimin "Pjetër Bogdani", 2010 për romanin "Bijt e askujt", etj. Është marrë edhe me veprimtari politike; në periudhën 1998- 2000 drejtoi një parti politike në Kosovë. Në vitin 2000 kryetari i Republikës së Shqipërisë i dha çmimin "Nderi i Kombit".