Zgjedhjet në Maqedoni, shqiptarët në garë, fushata "zbut" edhe Gruevskin
Zoran Zaev: Do ta mbështesim njëri- tjetrin në disa komuna
MAQEDONI - Ethet e fushatës kanë përfshirë partitë politike në Maqedoni, për zgjedhjet lokale të 15 tetorit, të parat e organizuara në vend pas krijimit mes shumë vështirësish të qeverisë së re të koalicionit. "LSDM- ja e gjen sërish veten duke luftuar për votat e zgjedhësve shqiptarë, - thotë "Deutsche Welle". - Por të njëjtën gjë po bën ndërkohë edhe VMRO- DPMNE- ja e Nikola Gruevskit. Retorika e kësaj të fundit është zbutur tej mase, e ka nisur t'i përmendë gjerësisht shqiptarët dhe të drejtat e
ZORAN ZAEV
"Ne duam që idenë tonë për jetën në Maqedoni, apo një shoqëri për të gjithë, ta zhvillojmë edhe në nivelin lokal. Ne ofrojmë zgjidhjet më të mira, si në nivel kandidatësh, ashtu edhe sa i takon programit. Si partnerë qeveritarë do ta mbështesim njëri- tjetrin në disa komuna", - deklaroi kryeministri Zoran Zaev.
tyre themelore". Lidhja Social- Demokrate vazhdon të shprehet e angazhuar ndaj një shoqërie për të gjithë dhe pretendon që këtë koncept ta zhvillojë në partneritet me BDI- në e Ali Ah-
metit, me të cilën është në koalicion qeveritar. "Ne duam që idenë tonë për jetën në Maqedoni, apo një shoqëri për të gjithë, ta zhvillojmë edhe në nivelin lokal. Ne ofrojmë zgjidhjet më të mira, si në nivel kandidatësh, ashtu edhe sa i takon programit. Si partnerë qeveritarë do ta mbështesim njëritjetrin në disa komuna", - deklaroi kryeministri Zoran Zaev. Partia e tij ka nxjerrë edhe kandidatë shqiptarë në disa prej komunave, ku shënoi rezultat të mirë në zgjedhjet e përgjithshme të 11 qershorit. Gruevski, nga ana tjetër, vazhdon të këmbëngulë se oferta e VMRO- së, përkushtimi, përgjegjësia dhe dija do të jenë përgjigjja më e mirë për kaosin dhe pasigurinë që ka shkaktuar, sipas tij, LSDM- ja. Fushata elektorale për zgjedhjet e 15 tetorit zgjat 20 ditë. Në garë për drejtimin e 80 komunave dhe Shkupit, si njësi e veçantë e pushtetit lokal, marrin pjesë 19 parti poli- tike dhe koalicione, si dhe disa lista të kandidatëve të pavarur për këshilltarë komunalë. Pritet një fushatë dinamike ku palët do kenë takime intensive me qytetarët sa u përket problematikave të tyre.