Bajerni shkarkon Ançelotin, Rumenige: Karlo mbetet një mik
Thomas Tushel apo Vili Sanjol? Mediat gjermane nuk shohin emra të tjerë në krye të stolit Starti i keq i sezonit penalizoi italianin
Disfata ndaj Paris Sën Zhërmenit shkakton tërmet në stolin e Bajern Mynihut, ku Karlo Ançeloti është shkarkuar nga detyra. Drejtuesit e klubit gjerman zhvilluan një mbledhje të gjatë, që kulmoi me një analizë të thellë të situatës. Gjatë javëve të fundit dukej qartësisht se Ançeloti nuk gëzonte as mbështetjen e futbollistëve të vet dhe emri i tij përfundoi në listën e largimeve, pasi klubi mendon se italiani nuk është në gjendje ta çojë përpara skuadrën në pjesën e mbetur të sezonit. Mediat gjermane, kryesisht e përditshmja "Bild" dalin me një emër konkret, që duket se lakohet në ambientet e Bajernit dhe shkruan se Kloop do të ishte pasuesi ideal i tij. "Si zëvendësues të Ançelotit në sezonin 2018- 2019, Bajernit i nevojitet një personalitet që di si të menaxhojë yjet dhe talentet e reja që ka në
strukturë kjo skuadër, shumë pasion dhe ide për lojën - lexohet në shkrimin e "Bild". Për Ançelotin kritikat nuk kanë munguar që para startit të sezonit dhe shumë analistë të futbollit në Gjermani kishin paralajmëruar faktin se ky mund të ishte sezoni i fundit për 58- vjeçarin, nëse nuk do të kishte rezultate pozitive që
Largimi nga drejtimi i Bajern Mynih ishte hera e parë në karrierën 21- vjeçare si trajner, ku Karlo Ançeloti shkarkohej në mes të sezonit nga drejtimi i skuadrës. Ndonëse trajneri italian kishte mbyllur para afatit përfundimtar kontratat edhe në eksperienca të mëparshme, klubet i kishin dhënë gjithmonë mundësinë atij që ta mbyllte edicionin. Shefi ekzekutiv i Bajern Mynih, Karl Hainz Rumenige, ka shpjeguar për mediat gjermane se pse mori këtë vendim "historik" për një nga trajnerët më të vlerësuar në historinë e futbollit europian në dy dekadat e fundit. "Paraqitja e skuadrës sonë që në fillimin e sezonit nuk përmbushi pritshmërinë që kishim nga ajo. Ndeshja në Paris e tregoi qartësisht që ne duhej të arrinim në disa konkluzione, kjo është ajo që unë dhe Hasan Salihamixhiç i thamë Karlos sot ( dje), në një bashkëbisedim të hapur e serioz duke e informuar për vendimin tonë", tha ai. "Unë do të dëshiroja të falënderoja Karlon për bashkëpunimin dhe shpreh keqardhjen për rrjedhën e ngjarjeve. Karlo është miku im dhe do të mbetet i tillë, por ne na u desh të merrnim një vendim profesional në të mirën e Bajernit. Unë tani pres që skuadra të ketë një zhvillim pozitiv dhe performancë absolute, në mënyrë që të arrijmë objektivat e këtij sezoni", ishin fjalët e Rumeniges.