Shpallen fituesit e raundit të dytë te Shkencat e Natyrës e Filologjiku

Në 1 tetor maturantët akses në portalin "U- Albania", kujdes vijën e kuqe Ja lista edhe për Gjuhët e Huaja dhe Shkencat Sociale

Universiteti i Tiranës ka shpallur studentët fitues për raundin e dytë në 4 prej fakulteteve të tij për vitin e ri akademik 2017- 2018. Sot, në "Gazeta Shqiptare" publikohen të gjithë emrat e maturantëve që kanë fituar të drejtën për të studiuar në Fakultetin e Shkencave Sociale, në Fakultetin e Historisë dhe të Filologjisë, në Fakultetin e Gjuhëve të Huaja dhe në Fakultetin e Shkencave të Natyrës. Aplikuesit paraqiten me numër identifikimi e të renditur në bazë të pikëve që kanë arritur të grumbullojnë, ashtu si në raundin e parë. Me më tepër kuota boshe nga raundi i parë rezulton FSHN, me 282 fitues në 10 programet e studimit që ofron, më tej vijon Fakulteti i Gjuhëve të Huaja, ku në 8 degët e tij rezultojnë fitues 234 maturantë, e më tej Fakulteti i Shkencave Sociale me 179 studentë fitues. Ndërkohë, në listat fituese të publikuara në 4 fakultetet e UT- së, HistoriFilologjia rezulton me më pak kuota boshe nga raundi i parë, me 102 fitues në të pesta programet e studimit që ofron. Prej datës 1 tetor, secili kandidat si në universitetet publike, ashtu edhe në ato private në Shqipëri mund të aksesojë në portalin "U- Albania", duke shkuar në adresën "ualba- nia. arsimi. gov. al", ku mund të ndjekë udhëzimet për të vijuar më tej me procedurat. Pas kësaj do të fillojë procesi i regjistrimit për raundin e dytë, që do të kryhet në sekretaritë mësimore përkatëse në datat 1 tetor- 14 tetor, ku raundi do të përbëhet nga 7 faza 48- orëshe secila. Edhe këtë herë studentët duhet të jenë të kujdesshëm dhe të ndjekin në kohë reale lëvizjen e vijës së kuqe, sepse mund të lirohen vende të lira gjatë regjistrimit të fituesve në një degë të parapëlqyer, çka mund ta shpallë fitues aplikantin tjetër. Në bazë të udhëzimit të publikuar në faqen zyrtare të Ministrisë së Arsimit, viti i ri akademik 2017- 2018 në institucionet e arsimit të lartë, do të fillojë në datën 16 tetor 2017 dhe do të përfundojë në datën 30 shtator 2018. Ndërsa, periudha 25 dhjetor 2017 deri në 5 janar 2018 do të jetë periudhë pushimesh për studentët.