Kritikët e Bashës paraqesin platformën: Zgjedhje të reja në PD brenda 9 muajsh
Lëvizja për ringritjen e partisë, mungojnë firmat e Topallit, Rulit e Imamit "Pas humbjes, kryetari i PD të largohet, raportet me kundërshtarin sipas statutit"
Kritikët e kreut të PDsë, Lulzim Basha shpallën dje, platformën e Lëvizjes për Ringritjen e Partisë Demokratike. Në dokumentin prej disa faqesh, produkt i takimit që ata patën dje pasdite, kanë hedhur firmat Besnik Mustafaj, Majlinda Bregu, Astrit Patozi, Ridvan Bode, por nuk shihen Jozefina Topalli, Eduard Selami, Genc Ruli dhe Arben Imami. "Partia Demokratike gjendet sot në një situatë kritike për shkak të drejtimit të gabuar. Kryetari i Partisë Demokratike, Lulzim Basha është përgjegjësi kryesor për gjendjen, për rezultatin e saj katastrofik në zgjedhjet e 25 qershorit dhe për goditjen e qëllimshme të elementëve më bazikë të bashkëjetesës dhe të ekuilibrave të domosdoshëm të forcës sonë politike. Ai është, gjithashtu, autori kryesor i farsës së zgjedhjeve të 22 korrikut, të cilat e rënduan
edhe më shumë krizën e besimit tek anëtarësia e Partisë Demokratike dhe e komprometuan akoma më shumë reputacionin e saj përballë publikut", thuhet në këtë platformë. Nismëtarët e lëvizjes kërkojnë caktimin e një afati jo më vonë se 9 muaj për mbajtjen e zgjedhjeve të reja në parti, ku të përfshihen të gjitha institucionet e saj. "Procesi i analizës në parti të drejtohet nga një grup ( komision) pune me përfaqësim të balancuar dhe të ketë në qendër të tij sqarimin dhe transparencën për çështjet e mëdha të Partisë Demokratike, që nisin me marrëveshjen e 18 majit, heqjen nga fushata të simboleve të partisë, hartimin e listave për deputetë, strategjinë e fushatës, shkeljet flagrante të statutit si dhe vendimet personale të kryetarit apo të të tjerëve, që ndikuan në humbjen e rëndë të 25 qershorit. Mandati i këtij grupi ( komisioni) shkon deri në përfundimin e zgjedhjeve", thuhet në platformë. Sipas tyre, "kompetencë kryesore e këtij forumi të jetë miratimi i një pakete rregullash, që japin garanci të plota për një proces korrekt zgjedhor brenda PD- së. Krijimin e një komisioni për ndryshimet statutore të balancuara, i cili përpilon dhe harton ndryshimet e nevojshme, ku të garantohen parimet e sipërpërmendura. Ngritjen e një komisioni zgjedhor me përfaqësim të barabartë, që të kryesohet nga një përfaqësues i Lëvizjes për Ringritjen e PD, si garanci minimale për zgjedhje të drejta dhe të barabarta. Ruajtjen e këtij përfaqësimi dhe këtij formati në të gjitha komisionet e votimit në nivel dege dhe qarku".
KRYETARI
Lëvizja për Ringritjen e PD kërkon që humbja e zgjedhjeve politike të shoqërohet me dorëheqje të menjëhershme dhe të parevokueshme të kryetarit të Partisë Demokratike. Gjithashtu ata kërkojnë që gara për kryetarin e ri dhe e forumeve të tjera të garantohet nga një paketë rregullash, që miratohen nga Kuvendi i Partisë. "Mbajtja e përgjegjësisë nuk është akt individual, por normë statutore në PD. Përgjegjësia shkon në përputhje me nivelin e përfaqësimit. Kryetari i partisë, si vendim- marrësi kryesor, është edhe përgjegjësimarrësi më i madh", thuhet në material. "Raportet me aleatët dhe me kundërshtarin, koalicionet në opozitë apo në mazhorancë, përcaktohen nga rregulla të qarta staturore, që autorizojnë forumet më të larta të PD- së për
të marrë vendimet. PD- ja ka detyrimin të vihet në krye të përpjekjeve për ri- Partia Republikane ka krijuar grupin e saj parlamentar me deputetë të Partisë Demokratike. Siç thotë rregullorja e Parlamentit, grupi parlamentar duhet të ketë të paktën 7 deputetë. Në përbërje të grupit parlamentar të PR janë Fatmir Mediu, Fatbardha Kadia, Hekuran Hoxhalli, Lindita Metaliaj, Isuf Çelaj, Nadire Meçorapaj dhe Orjola Pampuri. Tashmë në Parlamentin e Shqipërisë do të jenë 4 grupe parlamentare, PS, PD, LSI dhe PR. formatimin e së djathtës në Shqipëri, si forca kryesore e këtij spektri, duke u bazuar në interesa më të gjera se të sajat. Partisë Demokratike i takon misioni i bashkimit të çdo faktori antiqeveritar në vend, për të maksimalizuar aksionin e opozitës duke e trajtuar atë si një lëvizje kombëtare", thuhet në platformë.