Udhëzimi i Bashës: Identifikoni ata që blenë votat në 25 qershor
Drejtuesit e PD- së për 8 javë do të analizojnë humbjen e zgjedhjeve "Strategji e brendshme kundër shitblerjes, vjedhjes së votës"
Kryetari i PD- së, Lul zim Basha firmosi pardje, udhëzimin për nisjen e analizës së zgjedhjeve të 25 qershorit. Në bazë të këtij udhëzimi, për 8 javë me radhë degët do të zhvillojnë diskutime mbi 4 pika të mirëpërcaktuara, ku ndër të tjera është edhe analizimi i rolit të figurave të tjera në fushatë, por edhe krahasimi i votave me zgjedhjet e shkuara. Fillimisht analiza do të nisë në bazë grup seksioni, për të vazhduar më tej me paraqitjen e të dhënave në kryesinë e degëve. Do të jetë grupi i punës që do të formulojë një raport përmbledhës me gjetjet kryesore në terren të analizës, mbi funksionimin e partisë, ecurinë e fushatës dhe rezultatin e zgjedhjeve. Pas përfundimit të raportit, gjetjet do t'i dërgohen sekretariatit organizativ të PD- së.
Në pikën e parë të udhëzimit, në qendër të punës do të jetë analiza e detajuar e votave në çdo qendër votimi dhe verifikimi i të dhënave me zgjedhjet paraardhëse. Po ashtu, në shqyrtim do të merret edhe ndikimi i emigracionit dhe migrimit të brendshëm, ku do të verifikohen votuesit e qëndrueshëm, ata që nuk dolën në zgjedhje, por edhe ato vota që PD- ja ua kaloi partive të tjera politike. Një tjetër pikë do të jetë edhe niveli i përfshirjes së strukturës dhe anëtarësisë në fushatë. Në këtë pikë kërkohet roli që kanë pasur figurat me potencial politik në PD dhe roli i të zgjedhurve vendorë. Po ashtu do të verifikohet edhe angazhimi i komisionerëve, por edhe koordinimi me aleatët. Një pikë e tretë do të jetë edhe analizimi i fushatës së kundërshtarëve. Për këtë kërkohet një vlerësim i parave të shpenzuara nga kundërshtarët politikë. Mënyra e përdorimit, strukturat e angazhuara kriminale apo jo si dhe burimi i parave. Po ashtu, strukturat e PD- së do të evidentojnë persona konkretë në atë që selia blu e konsideron shitblerje të votës. Në pikën 4 të udhëzimit parashikohet edhe dhënia e mendimit mbi përfshirjen e anëtarësisë në fushatë. Ndër të tjera, në udhëzimin e Bashës nënvizohet nisja e punës për reformën zgjedhore, ku deputetët përfshirjen në Kodin Zgjedhor të masave ndaj shitblerjes së votave dhe transparencës së financave të partive. Në dokumentin që u është shpërndarë të gjithë drejtuesve të PD- së thuhet se "manipulimi i zgjedhjeve të 25 qershorit ka rënduar krizën politike dhe shoqërore në vend dhe ka dëmtuar rëndë besimin e qytetarëve te sistemi ynë politik dhe, për rrjedhojë, ka ulur besimin e tyre tek e ardhmja
në Shqipëri. Asnjë hap për përmirësimin e politikës dhe mirëqeverisjes nuk do të ketë efekt nëse nuk mbaron historia e shëmtuar e manipulimit të zgjedhjeve". "Ne do të hartojmë dhe vëmë në zbatim një strategji të brendshme kundër shitblerjes, vjedhjes dhe ndikimit të votës, e cila duhet të përmbajë një plan konkret
veprimesh për të parandaluar dhe shmangur tjetërsimin e votës. Hartimi i kësaj strategjie kërkon identifikimin e të gjitha dobësive, hapësirave dhe instrumenteve të shfrytëzuara dhe të përdorura për të manipuluar dhe ndikuar në mënyrë të padrejtë votën, me qëllim propozimin e ndryshimeve dhe masave të nevojshme or-
ganizative, strukturore dhe vepruese të të gjitha strukturave të Partisë Demokratike që merren me procesin zgjedhor. Hartimi i strategjisë dhe planit duhet të bëhet me kontributin në ide dhe mendime të të gjithë anëtarëve, mbështetësve dhe drejtuesve të Partisë Demokratike në të gjitha nivelet", thuhet në hyrje të udhëzimit.