Ndjesa e Bashës, Berisha: Topalli, përfaqësuese e ish- të përndjekurve

Deputetët e pushkatuar, ish- kryeministri: Rama vrau për së dyti martirët e lirisë "Rama, lidhje të forta me xhelatët e deputetëve"

Ish- kryeministri Sali Ber isha e akuzoi dje pasardhësin e tij Edi Rama për vrasjen, sipas tij, për së dyti të 16 deputetëve të ekzekutuar nga komunistët në tetor të 1947- ës, në nder të të cilëve u mbajt një seancë përkujtimore dy ditë më parë në Kuvend. "Edi Rama, ndonëse nuk ka përgjegjësi personale, duhej të kërkonte ndjesë publike edhe për shkak të lidhjeve të tij të forta familjare me xhelatët që urdhëruan dhe firmosën varjet, pushkatimet, burgosjet, internimet politike gjatë diktaturës hoxhiste. Ai, duhet ta dijë se, përgjegjësia - në rastin e tij morale - për krimet e papërshkrueshme, gjenocidin dhe krimet kundër njerëzimit, të etërve të tij shpirtërorë dhe biologjikë, do ta ndjekë gjithë jetën si një detyrim moral për të kërkuar ndjesë, pavarësisht nga ndërrimi i emrave të forcës politike që ai drejton apo funksionet që ai do të kryejë", - u shpreh z. Berisha. Në statusin e tij në "Facebook", Berisha rendit edhe katër arsye se përse sipas tij, Rama i vrau ata për së dyti. "Një prej tyre, - shprehet Berisha - është fakti që Rama nuk e përmendi asnjëherë në fjalimin e tij Enver Hoxhën dhe as Sigurimin e Shtetit. Për më tepër, ai deklaron se Rama i vrau për së dyti. pasi pati në krah Gramoz Ruçin dhe Fatmir Xhafajn, ndërsa e quan mashtrues. pasi tha se është hera e parë që kujtohen, ndërkohë që sipas Berishës janë zhvilluar edhe më herët seanca të tilla në nderim të tyre nën drejtimin e një përfaqësueseje të denjë të asaj shtrese. Jozefina Topallin, duke rikthyer në vëmendje ish- kryetaren e parlamentit që u la jashtë listave nga kreu i PD- së, Lulzim Basha. Me vlerësimin që i bën figurës së Topallit, Berisha duket se indirekt thumbon edhe Bashën, i cili tha se ndihet i turpëruar që sot është deputet në një Kuvend ku Gramoz Ruçi është drejtues i tij, qëndrim që u komentua edhe si "ndjesa" e tij ndaj ish- të përndjekurve politikë. "Edi Rama me fjalën e tij mashtroi shqiptarët dhe manipuloi të vërtetën kur, në mënyrë të Ish- kryeministri Berisha priti dje, Presidentin e Fondit ShqiptaroAmerikan të Ndërmarrjeve, Majkëll Granof. Mësohet se z. Berisha foli me shqetësim për lidhjet e kryeministrit me krimin, çka sipas tij kanë çuar në largimin e investimeve të huaja nga Shqipëria.