Vendimi, do të shemben rreth 20 banesa në Farkë

Projekti i Unazës së Madhe, IKMT vetëm 5 ditë afat që të lirojnë shtëpitë Banorët: Të dëmshpërblehemi në vlerë reale

Gazeta Shqiptare - - EKONOMI -

Rreth 20 familje në Farkë, janë njoftuar që banesat apo dyqanet e tyre do të shemben, në kuadër të projektit të Unazës së Madhe. Disa ditë më parë, përfaqësues nga IKMTja kanë trokitur në dyert e banorëve për t'i lajmëruar se kanë vetëm 5 ditë afat për të boshatisur shtëpitë. Kjo situatë ka shkaktuar revoltën e familjeve në këtë zonë, të cilët kërkojnë të dëmshpërblehen dhe t'iu jepet më shumë afat nga ana e shtetit për të lënë shtëpitë. Në një prononcim për "Gazeta Shqiptare", një prej banorëve tregon se ka rreth 30 vjet që ka investuar për shtëpinë e tij në Farkë. "Prej 30 vitesh unë jam banor i kësaj zone, kam një shtëpi 280 m2 dhe një biznes të vogël me të cilin mbaj familjen. Dy ditë më parë, përfaqësues nga INUKu më erdhën te dyqani dhe më thanë që duhej të boshatisja shtëpinë ku jetoj dhe dyqanin brenda 5 ditësh, sepse do të fillojë shembja. Lajmërimi më tronditi dhe arrita të konfliktohesha me fjalë me punonjësin. Nuk e kuptoj këtë situatë, të pak- tën të na lënë më shumë afat. Një shtet i mirëfilltë nuk vepron kështu me qytetarët e tij, duhet të na japë të drejtat tona që na takojnë me ligj", - shprehet banori. Ai gjithashtu thotë se, shtëpia është e legalizuar, ndër- sa dyqani prej 11 vitesh ka qenë në proces legalizimi, deri në momentin që para 1 muaji ka marrë njoftimin në të cilin citohej se skualifikohej nga ky proces. Sipas banorëve të Farkës, vetëm 6 banesa janë të legalizuara, ndërkohë që të tjerat po prisnin legalizimin që prej 2006ës. Por, ashtu si në rastin e Shkozës, qytetarët janë njoftuar vetëm pak kohë para për skualifikimin nga procesi i legalizimit. "Shtëpia ime është ndërtuar që në vitin Përfaqësues nga IKMT- ja kanë trokitur në dyert e banorëve për t'i lajmëruar se kanë vetëm 5 ditë afat për të boshatisur shtëpitë. Kjo situatë ka shkaktuar revoltën e familjeve në këtë zonë, të cilët kërkojnë të dëmshpërblehen. 1989, dhe ekspertët pasi kanë bërë vlerësimin e pronës, caktuan një shifër qesharake për banesën. Kërkoj nga instancat përkatëse që të paktën të na dëmshpërblejnë me vlerën reale të tregut", - thotë një tjetër banor i Farkës për "GSH". Familjet kërkojnë njëzëri që t'u jepet më shumë kohë, të paktën 2- 3 muaj, për të boshatisur shtëpitë, si dhe të marrin dëmshpërblimin që iu takon. Sipas banorëve, muaj më parë, në zonën e Farkës, përfaqësues nga kompani ndërtimi private, kanë bërë matjet në zonë, ndërkohë që nuk po e kuptonin se çfarë po ndodhte, pasi askush nuk i kishte lajmëruar në rrugë zyrtare që shtëpitë e tyre do të shembeshin pasi i prekte projekti i Unazës së Madhe. Ky projekt është planifikuar të kalojë nëpër 22 kilometra të jashtme të kryeqytetit, duke nisur nga Dogana, më tej në Shkollën Teknologjike, Komunën e Parisit, Liqenin Artificial, Liqenin e Farkës, për të vijuar në Shkozë, Babrru, Bregu i Lumit, deri në Kthesën e Kamzës. Banorët e Farkës u bëjnë thirrje shtetit, kryeministrit, Bashkisë së Tiranës e gjithë instancave të tjera përkatëse që t'iu lënë më tepër afat e të marrin dëmshpërblim real për shtëpitë që do të shemben.

Newspapers in Albanian

Newspapers from Albania

© PressReader. All rights reserved.