Gjermani, policia parandalon "grabitjen e shekullit"

Hajdutët sulmuan me pushkë transportuesin e blinduar

Gjermani

- Policia gjer mane ka parandaluar një grabitje të madhe, e cila mund të konsiderohej si "grabitja e shekullit", nëse do të ndodhte. Grabitja ishte planifikuar të bëhej me armë automatike ( kallashnikovë), ndërsa caku i saj ishte një transport parash në landin Rheinland- Pfalz të Gjermanisë. Protagonist i aktit të dyshuar është një shtetas shqiptar nga Italia, transmeton "albinfo. ch". Ai është arrestuar të hënën, me rastin e një bastisjeje të kryer në regjionin Neuwied. Bastisja ishte bërë me një fletë- arrest të Europolit. I dyshuari aktualisht po mbahet në arrest në një nga burgjet e landit dhe pas kësaj e pret ekstradimi në Itali, ka njoftuar Prokuroria e Përgjithshme e Koblenzit agjencinë gjermane të lajmeve "DPA". Veç shqiptarit, i dyshuari tjetër është një shtetas italian me qëndrim në Gjermani, i cili, pas marrjes në pyetje është lënë i lirë. Sipas mediave italiane, grabitësit donin të sulmonin me pushkë automatike transportuesin e blinduar, i cili transporton disa milionë euro. Në bastisjet e tjera që ka ndërmarrë poli- cia në Gjermani dhe në Itali, janë arrestuar 15 persona. Banda, pjesë e të cilëve besohet të jenë dy të dyshuarit, ka plaçkitur disa herë makinat që transportojnë paratë në Itali. Katër shqiptarë të tjerë janë arrestuar të mërkurën në Gjermani si pasojë e vjedhjeve që kishin kryer muajt e fundit.