Kapen trafikantët në Itali, ja kush është shqiptari që furnizonte me kokainë
ITALI - Guardia di Finanza ka vënë sot në pranga 7 persona, mes tyre edhe një shqiptar, pasi u kapën më një sasi kokaine dhe heroine. "Ansa" shkruan se mes të arrestuarve janë katër tunizianë, dy italianë dhe një shqiptar, të cilëve iu gjetën 20 mijë euro cash, 800 gramë heroinë dhe 600 gramë kokainë. Operacioni, i cili filloi në maj, kohë në të cilën u arrestuan dy korrierë droge dhe u sekuestruan 1,078 gr kokainë të pastër me vlerë 200.000 euro, çoi në zbulimin e një rrjeti kompleks të trafikimit të drogës. Ndërkohë, mediat raportojnë se shqiptari, Altin Koçi, akuzohet si furnizues me shumicë dhe gjatë arrestimit u kap me 540 gramë kokainë. Sakaq, policia vijon punën për dokumentimin e plotë të ngjarjes.