SHBA demonstron forcën, dërgon dy avionë në gadishullin korean
SEUL - SHBA dislokoi dy avionë "B- 1B Lancers", bombardues të rëndë supersonik në gadishullin korean për një demonstrim force përballë Phenianit, gjatë fazës së parë stërvitore në bashkëpunim me aviacionin e Japonisë dhe Koresë së Jugut. "Fluturimet dhe manovrat me aleatët tanë, të sigurt dhe efektivë, janë pjesë e kapaciteteve të përbashkëta nga ana e SHBA- ve, Japonisë dhe Republikës së Koresë dhe përsosin aftësitë taktike të pilotëve të çdo shteti", - u shpreh majori Patrick Applegate. Seuli sqaroi sot, se avionët bombardues po kryejnë një stërvitje simulimi me lëshimin e raketave tokë- ajër me dy avionët gjuajtës koreanojugorë mbi hapësirën e detit të Japonisë, e njohur në Kore me emrin Deti Lindor.