NJË RIIMAGJINIM I MITIT TË ORFEUT
tona - kohës moderne kur vihet vepra dhe korit të gurëve që janë të gjithëkohshëm dhe bartin një farë mënyre një kujtesë të hershme dhe krejt ' të vjetër' çka përçohet edhe nga veshja.
"Vepra është një riimagjinim i mitit të Orfeut. Është një vepër e ngrohtë dhe poetike, e cila edhe pse në thelb ka elemente të antikitetit dhe mbështetet në historikun e mitit, në thelb trajton marrëdhëniet njerëzore dhe sakrificat njerëzore për hir të dashurisë, jo vetëm dashurisë romantike në çift, por edhe asaj familjare dhe universale", është shprehur Jonida Beqo. Më tej, shfaqja trajton edhe rëndësinë e jetës.
Historia është e thjeshtë: Orfeu është muzikanti më i mirë i të gjitha kohëve, vendos të martohet me dashurinë e jetës së tij; Euriditën, e cila vdes në ditën e dasmës. Shfaqja nis me Euriditën dhe Orfeun, dy të rinj shumë të dashuruar, të cilët vendosin të martohen - por e sjellë në kohë moderne, ndërsa pas tyre, është kori i gurëve që bart kujtesën me një grim, e plastikë dhe interpretim që ruan nivel artistik deri në fund të shfaqjes, herë- herë shfaqet më sipëror se trupa.
Në nëntokë, babai i vdekur i Euridikës, Niko Kanxheri, ka arritur të ruajë kujtesën dhe aftësinë e tij për të lexuar dhe shkruar, ndaj përpiqet t'i dërgojë letra së bijës. Gjatë dasmës, Euridita takon Njeriun - Vdekje dhe duke dashur të marrë letrën nga i ati, vdes duke kaluar në botën tjetër, ku zhvillohen ngjarjet në vijim. Meqë Orfeu është muzikant, muzika live është parë si nevojë parësore e veprës. Nuk është Orfeu klasik, as në koncept, as në trajtim. Me gjithë vështirësitë e skenës së sajuar në përputhje me kërkesat e veprës, ske- na në vetvete krijon hapësirat e nevojshme. Ajo që nuk mbërrin pritshmëritë është interpretimi, qoftë në plastikë, qoftë në veshjen e rolit të disa prej aktorëve, për çka mban epërsi kori i gurëve.
Amri Hasanlliu interpreton në katër instrumente të ndryshme dhe këndon, nën udhëheqjen muzikore të maestro Gent Rushit dhe me mbështetjen e pesë muzikantëve të "All In Band". Në këtë premierë rikthehet në skenë aktori i njohur i kinematografisë dhe teatrit Niko Kanxheri, si dhe interpretojnë Armela Demaj, Amri Hasanlliu, Ermir Jonka, Edvin Mustafa, Klea Konomi, Klesta Shero si dhe 6 balerinë të rinj. Autorja Sarah Ruhl ka lindur një 1974 në Wilmette, Illinois dhe ka qenë kandidate për çmimin "Pulitzer" në vitin 2005. Euriditën e ka shkruar në vitin 2001 dhe premiera e parë e kësaj vepre është vënë në Madison në 2003, e më pas në teatrin "Off- Broadway" në Nju Jork e Florida.