Nuk u kualifikua në Botëror, Roben tërhiqet nga Kombëtarja
Sulmuesi
i Holandës, Arjen Roben, i ka thënë përfun dimisht lamtumirë Kombëtares së tij, pas fazës së dështuar eliminatore, ku u rendit në vendin e 3- të në grup dhe për pasojë nuk arriti të siguronte një biletë për në Rusi. 33- vjeçari shënoi të dy golat në fitoren 2- 0 ndaj Suedisë, por Holanda kishte nevojë për një fitore me 7 gola diferencë, që të kualifikohej. Pas ndeshjes, Roben u duk i emocionuar dhe gati me lot në sy. "Kisha kohë që e kisha menduar largimin nga Kombëtarja. Tashmë jam 33 vjeç dhe po luaj në një nga ekipet më të mira të Europës dhe dua të përqendrohem aty. Ka ardhur koha që t'u jap më shumë hapësirë të rinjve. Jam krenar për arritjet e mia me Holandën", - u shpreh sulmuesi Roben. Ai ka luajtur plot 96 takime dhe ka qenë finalist në 2010 në finalen e humbur ndaj Spanjës dhe doli në vendin e tretë në Botërorin e 2014- s.