Opozita bllokon foltoren, Kuvendi mblidhet sot serish
Tensione në Kuvend, kryeministri pa mikrofon fyen Berishën: E dhje.., i rrjedhur Noka- Ruçit: Rrugaç, ti je xhandar
Opozita bllokoi dje sër ish foltoren e Kuven dit. Shkak u bë ndërprerja e fjalës së ish- kryeministrit Sali Berisha dhe refuzimi i kërkesës së deputetit demokrat Flamur Noka nga kryeparlamentari Gramoz Ruci, për marrjen e fjalës për procedurë. Teksa ishkryeministri Sali Berisha po fliste nga foltorja e Kuvendit, duke e quajtur sjelljen e pr/ ligjit për pakicat në shkelje të hapur të Kushtetutës dhe një gjë fare qesharake, që sipas tij bëhet për rivalitet mes klaneve mafioze në qeveri, ka reaguar pa mikrofon nga vendi kryeministri Rama. Ai ka përmendur fjalën ' e dhje..' dhe ' i rrjedhur' kur fliste Berisha. Kaq mjaftoi që deputetët e PD- së, të nisin protestën në sallë, deri në bllokimin e foltores. Ruçi ndërkohë i hoqi fjalën Berishës i cili u ul në vend duke lajmëruar deputetin e LSI- së Shezai Rrokaj të marrë fjalën në foltore. Por z. Noka e kërkoi fjalën me pretendimin se gjatë fjalës që mbajti z. Berisha, kryeministri Rama po fliste pa mikrofon dhe i adresoi fjalë fyese ndërkohë që opozita rrethoi foltoren. Bllokimi i saj e detyroi kryeparlamentarin Ruçi që ta përjashtojë nga seanca plenare deputetin Noka dhe të ndërpresë për pesë minuta punimet e Kuvendit. Me rinisjen e seancës asgjë nuk ndryshoi, ç'ka e detyroi Gramoz Ruçin ta shtyjë për në orën 17: 00 seancën plenare. Menjëherë pas ndërprerjes së punimeve deputetët e Partisë Demokratike, ata të LSI- së dhe PR- së kërkuan përjashtimin e kryeministrit Rama nga punimet e parlamentit, me të njëjtin argument me të cilin kërkoi fjalën për procedurë demokrati Noka. Pas ndërprerjes së fjalës së Berishës në foltore, Noka kërkoi të reagonte për procedurë, pasi sipas tij Rama ofendoi ish- kryeministrin, por Ruçi nuk pranoi duke refuzuar që t'i japë fjalën. Kaq mjaftoi që situata të precipitonte në sharje dhe ofendime nga Noka, që iu drejtua Ruçit me fjalët rrugaç. Ruçi e përjashtoi nga seanca, ndërsa opozita bllokoi foltoren duke bërë që të ndërpritet seanca plenare. Në kundërpërgjigje të kërkesës së opozitës, socialistët kërkuan thirrjen e Byrosë për përjashtimin e deputetit Flamur Noka me 10 ditë nga punimet e Kuvendit. Edhe pse seanca plenare u shty për në orën 17: 00 të pasdites, deputetët e opozitës qëndruan të ngujuar në sallën e parlamentit. Seanca e pasdites zgjati vetëm 8 minuta. Ruçi kërkoi largimin e Nokës nga Kuvendi, ndërkohë që ky i fundit ka thënë se do të iki në momentin që kryeministri të
lirojë vendin. Që në nisje të seancës kreu i Kuvendit, Gramoz Ruçi, bëri një përmbledhje të minutave të vëna në dispozicion të mazhorancës dhe opozitës për të folur, duke hedhur poshtë pretendimet e këtyre të fundit se nuk kanë hapësirë për të folur. Më pas ai i njohu me dy kërkesat e marra, njërën nga mazhoranca për mbledhjen e Byrosë për Flamur Nokën pas bllokimit të foltores dhe të tjetrën nga opozita për përjashtimin nga seanca të kryeministrit
Rama. Gramoz Ruçi më pas i bëri thirrje deputetit demokrat të lirojë sallën. "I bëj thirrje deputetit të lirojë seancën. Zoti Noka, do lironi sallën?", tha z. Ruci. Por z. Noka nga karrigia e tij duke i drejtuar gishtin kryeministrit Rama u shpreh: "Të largohet edhe ai deputeti atje". E ndërsa hasi në refuzimin e tij për të dalë jashtë, Ruçi mbylli punimet e Kuvendit duke njoftuar sërish sot seancë plenare. Seanca do të nisë në orën 08: 30 të mëngjesit. Ish- kryeministri Berisha akuzoi kreun e Kuvendit Ruçi se po shkatërron parlamentin. "Ministri i fundit i policisë kriminale terroriste të diktaturës hoxhiste ka marrë përsipër një mision, shkatërrimin përfundimtar të institucionit qendror të demokracisë që është parlamenti. Nuk ka ndodhur kurrë në histori që në mënyrë kaq të vendosur të mos respektohet e drejta e fjalës për procedurë",- deklaroi z. Berisha.