"Zgjedhorja", KE: Dialog, zbatoni rekomandimet e Venecias dhe OSBE
Kreu i KQZ- së, Zguri: Lidershipi politik të tregojë shtetari Verifikimi i parave të partive, kërkohet strukturë e posaçme
Këshilli i Europës kërkon dialog dhe konsensus për realizimin e reformës zgjedhore duke siguruar mbështetje Shqipërinë në realizimin e saj. Por KE kërkon nga partitë politike implementimin e plotë të rekomandimeve të OSBE/ OHIR dhe Komisionit të Venecias. Në workshopin e zhvilluar dje me temë "Struktura e mbikëqyrjes së financimit të partive politike dhe të fushatave zgjedhore", shefi i zyrës së KE- së, Claus Neukirch, insistoi që reformat të zhvillohen nën frymën e dialogut dhe kompromisit. "Dëshirojmë të shohim një proces reformash të ushqyer nga dialogu dhe kompromisi, duke marrë parasysh rekomandimet e Këshillit të Evropës, OSBE- ODHIR dhe Komisionit të Venecias. Përkundër ndryshimeve ligjore të paraqitura në maj pas marrëveshjes politike, reko- mandimet duhet të zbatohen plotësisht. Këshilli i Evropës është shumë i përkushtuar për të mbështetur reformën zgjedhore. Ne do të kontribuojmë në forcimin e legjislacionit për partitë poli-
KLEMENT ZGURI
tike dhe financave të fushatave zgjedhore", deklaroi Claus Neukirch. Kryetari i Komisionit Qendror të Zgjedhjeve, Klement Zguri, parashtroi nevojën e përmirësimit të kuadrit lig-
"Muratorët" e reformës s'mund ta konsiderojnë përmirësimin rrënjësor të kuadrit ligjor për financimin, çështje të dorës së dytë. Është koha që lidershipi politik të tregojë shtetari dhe ta deklarojë reformën e financimit dhe transparencën e fondeve e të shpenzimeve çështje prioritare",- u shpreh z. Zguri. jor për financimin e partive politike, ndërsa siguroi se rekomandimet e Këshillit të Europës dhe OSBE- ODIHR janë prioritet i institucionit që drejton. "Sigurisht që ne që jemi mbledhur këtu nuk mund të na lënë indiferentë, por, së pari, nuk duhet të lënë indiferentë ata që në fushatë hidhnin "gurë" mbi njeri- tjetrin, partitë politike. Tani nuk është koha për të hedhur "gurë". Tani është koha për të ndërtuar "mur". Tani "muratorët" e reformës nuk mund ta konsiderojnë përmirësimin rrënjësor të kuadrit ligjor për financimin, çështje të dorës së dytë. Tani është koha që lidershipi politik të tregojë shtetari dhe ta deklarojë reformën e financimit dhe transparencën e fondeve e të shpenzimeve çështje prioritare",- u shpreh kreu i KQZsë Klement Zguri. Cilësia e reformës së ardhshme zgjedhore, përfundoi Klement Zguri, matësin e vet e ka tek transparenca financiare, por edhe shpenzimet e fushatës që do të pasqyrojë.