Meta: Duhet dialog konstruktiv i të gjitha forcave për ardhmërinë e Kosovës

Presidenti takohet me Haradinajn, Veselin dhe krerët e partive Kreu i shtetit nderon Ibrahim Rugovën e Adem Jasharin

Gazeta Shqiptare - - POLITIKE - SHPALLJE ANKANDI

Presidenti i Republikës, Ilir Meta vijoi dje viz itën në Kosovë me një bisedë me kryeministrin e Kosovës, Ramush Haradinajn, ku të pranishëm ishin edhe zëvendëskryeministrat Fatmir Limaj, Enver Hoxhaj, Dalibor Jevtiç dhe Dardan Gashi. Presidenti Meta theksoi rëndësinë e trajtimit të të gjitha çështjeve dypalëshe, të cilat mund të marrin udhë përmes vendimmarrjes politike gjatë takimit të ardhshëm të dy qeverive. Ai u shpreh plotësisht në mbështetje të këtij procesi me rëndësi jetike si për qytetarët në Shqipëri dhe Kosovë, ashtu edhe në dobi të marrëdhënieve strategjike e vëllazërore ndërmjet nesh. Gjithashtu, Presidenti Meta e siguroi edhe kryeministrin Haradinaj për mbështetjen e fortë e të gjithanshme të Shqipërisë për Kosovën në proceset integruese evropiane dhe euroatlantike, si dhe anëtarësimin e plotë në organizatat rajonale dhe ndërkombëtare. Në mënyrë të veçantë, Presidenti Meta iu referua nevojës së madhe për liberalizimin sa më shpejt të regjimit të vizave nga ana e BE- së për qytetarët e Kosovës. Duke iu referuar kushtëzimit të demarkacionit të kufirit me Malin e Zi, si një sfidë tashmë të pashmangshme, z. Meta shprehu besimin se kjo çështje do të gjente një zgjidhje të shpejtë në frymën e mirëkuptimit të ndërsjellë me këtë vend fqinj. Ndërsa, duke vlerësuar nevojën e vazhdimit dhe përmbylljes së dialogut mes Kosovës dhe Serbisë, Presidenti Meta u shpreh se vijimi dhe konkretizimi i këtij dialogu nuk është i rëndësishëm vetëm për këto dy vende, por edhe për të gjithë rajonin, sigurinë dhe të ardhmen e tij. Më pas Presidenti Meta u takua edhe me kryeparlamentarin e Kosovës, Kadri Veseli. Presidenti Meta shprehu besimin se Kuvendi i ri Kosovës dhe forcat politike parlamentare do të përqendrohen në mënyrë gjithëpërfshirëse e konsensuale për gjetjen e zgjidhjeve të nevojshme dhe mbështetjen e iniciativave të ndryshme në funksion të avancimit të agjendës evropiane dhe euroatlantike të vendit. Gjatë ditës së dytë të vizitës shtetërore, Presidenti i Republikës, Ilir Meta u takua me kryetarin e Lëvizjes Vetëvendosje, Visar Ymeri; me kreun e Lidhjes Demokratike të Kosovës, Isa Mustafa si dhe me përfaqësuesin e Listës Serbe, Slavko Simiç. Gjatë këtyre takimeve u vu në dukje dhe u theksua nga Presidenti Meta rëndësia që mbart bashkëpunimi dhe dialogu konstruktiv i të gjitha forcave politike për ardhmërinë dhe perspektivën integruese evropi- Presidenti Ilir Meta nderoi dhe vlerësoi jetën, veprën e paharruar dhe kontributet madhore të Ibrahim Rugovës, si dhe përkujtoi sakrificat sublime të familjes Jashari për lirinë dhe pavarësinë e Kosovës. Presidenti Meta fillimisht bëri homazhe dhe vendosi një kurorë me lule mbi varrin e presidentit Ibrahim Rugova në Velani, duke u përkulur me respekt ndaj veprës dhe kontributeve historike të tij.

ane të Kosovës. Në takimin me Vetëvendosjen, Presidenti Meta i përgëzoi për rezultatin e arritur në zgjedhjet e fundit dhe theksoi rëndësinë e jashtëzakonshme që ka roli i opozitës në demokraci për të rritur përgjegjësinë dhe cilësinë e qeverisjes në vend dhe për të afruar një alternativë më të mirë për të ardhmen. Presidenti Meta theksoi rolin e opozitës dhe të Vetëvendosjes në Kosovë për të kontribuar në konsolidimin e pozitës ndërkombëtare të Kosovës përmes bashkëpunimit dhe konsensusit edhe me mazhorancën për çështjet më madhore, që kanë të bëjnë me

të ardhmen evropiane të vendit. Në takimin me liderin e LDK- së, ish- kryeministrin Isa Mustafa dhe përfaqësues të tjerë të LDK- së, Presidenti Meta shprehu vlerësimin për kontributin e madh dhe të pazëvendësueshëm të LDKsë për gjithë këto dekada për pavarësinë e Kosovës, konsolidimin e demokracisë dhe shprehu besimin se edhe pse një opozitë mjaft aktive, LDK me përvojën e saj do të kontribuojë për të bashkëpunuar me mazhorancën aktuale rreth çështjeve më madhore që lehtësojnë progresin në rrugën euroatlantike të Kosovës.

Presidenti i Republikës, Ilir Meta me kryeministrin e Kosovës, Ramush Haradinaj

Newspapers in Albanian

Newspapers from Albania

© PressReader. All rights reserved.