Rama: Vitin tjetër, gati regjistri i shqiptarëve që jetojnë jashtë
Qeveria prezanton projektin për diasporën, bashkohet LSI, mungon PD "Jemi të fundit që s'kemi përfshirë emigrantët në votime"
Kryeministri Edi Rama bëri të ditur dje, se vitin që vjen Shqipëria do të ketë për herë të parë një regjistër të të gjithë atyre emigrantëve që jetojnë jashtë vendit. Kreu i qeverisë mori pjesë dje, në aktivitetin e organizuar nga Kuvendi dhe ministri i Shtetit për Diasporën për prezantimin e projekti për Diasporën dhe Emigracionin.
Në tryezë mori pjesë edhe Shezai Rrokaj si përfaqësues i LSI- së, i cili u falënderua nga kryeministri Edi Rama. "Nuk është sekret, që do të dëshironim shumë që me të njëjtën gatishmëri dhe me të njëjtin sens të interesit të përbashkët që përfaqësuesit e kësaj pjese të opozitës iu përgjigjën ftesës, të kishim këtu edhe përfaqësuesit e opozitës kryesore, Partisë Demokratike. Kjo është një ndër ato tema që s'kanë qasje as majtas, as djathtas, por kanë një qasje unifikuese kombëtare", - u shpreh Rama. "Nuk diskutohet se, duke qenë se ky proces synon edhe atë çka, besoj, ne jemi të fundit që nuk e kemi plotësuar në raport me vendet që janë rreth e rrotull, apo me vendet të cilave duhet t'u ngjajmë, përfshirjen e drejtpërdrejtë të të gjithë emigrantëve shqiptarë në procesin më të rëndësishëm të vendimmarrjes në vend, përmes votës. Kjo është një arsye shumë e fortë, që asnjë parti politike e përfaqësuar në parlament të mos mungojë në këtë proces, të mos tregojë, apo të lërë të kuptohet ose keqkuptohet, se nuk është e interesuar për votën e shqiptarëve jashtë atdheut", - tha në fjalën e tij, kryeministri. Sipas tij, "baza e këtij procesi është regjistrimi, i cili për fat të keq u la pas dore për çerekshekulli. Premtimi për të regjistruar diasporën tonë ka shoqëruar forcat politike njëra pas tjetrës, fushatë më fushatë, dhe ishte një premtim kyç i qeverisë së krijuar në vitin 2005. Por hapi i parë serioz drejt realizimit të këtij synimi madhor u hodh vetëm vitin e shkuar". "Ne jemi të vendosur që vitin e ardhshëm të kryejmë regjistrimin; përkon edhe simbolikisht me Vitin e Skënderbeut, por në të gjitha rastet është një detyrë që ne kemi marrë përsipër dhe besojmë, kështu
siç jemi organizuar, do t'ia dalim ta realizojmë gjatë vitit të ardhshëm, të paktën në masën më të madhe", - u shpreh kryeministri. "Edhe nisja e unifikimit të shërbimeve konsullore mes Shqipërisë dhe Kosovës i shërben po kësaj teme dhe racionalizon po këtë qasje", - shtoi ai. "Jemi të fundit që nuk kemi plotësuar në raportet me vendet që janë rreth e rrotull apo vendeve që duam
t'u ngjajmë, përfshirjen e drejtpërdrejtë të të gjithë emigrantëve shqiptarë në procesin më të rëndësishëm të vendimmarrjes në vend përmes votës. Kjo është një arsye shumë e fortë që asnjë parti politike e përfaqësuar në parlament të mos mungojë në këtë proces, të mos tregojë apo lërë të kuptohet apo keqkuptohet se nuk është e interesuar për votën e shqiptarëve jashtë atdheut", "Kuvendi i Shqipërisë, në ushtrimin e funksioneve të tij ligjbërëse dhe të kontrollit parlamentar, do të luajë një rol të rëndësishëm në përmirësimin e bazës ligjore për mbrojtjen më të mirë të të drejtave të emigrantëve shqiptarë kudo ku ata jetojnë dhe të mundësojë kontributin e tyre në vend", - tha nënkryetarja e Kuvendit.
- theksoi kryeministri. Dokumenti strategjik përmban 75 pika, dhe një prej tyre është krijimi i Agjencisë Kombëtare të Diasporës. Gjatë tryezës, nënkryetarja e Kuvendit, Vasilika Hysi nënvizoi se Kuvendi i Shqipërisë do të angazhohet në të gjitha nismat që do të ndërmarrë qeveria për përfaqësimin e emigrantëve në shoqëri dhe për mbrojtjen e të drejtave të tyre.