Krimet e Rënda nisin hetimin pasuror të vëllezërve Habilaj
Moisi dhe Florian Habilaj hetohen si zotërues të 23 tonëve kanabis të bllokuara në Vlorë Dyshime për pasuri të krijuar nga droga
Kur kanë kaluar vetëm 3 ditë nga arrestimi në Itali i 39- vjeçarit Moisi Habilaj, Prokuroria për Krimet e Rënda ka nisur hetim pasuror ndaj vëllezërve dhe disa prej familjarëve të tij. Burime pranë organit të akuzës bënë me dije se hetimi ndaj tyre ka nisur në kuadër të ligjit Antimafia, për shkak se kanë dyshime se pasuria e tyre mund të jetë përfituar nga aktiviteti kriminal brenda apo edhe jashtë vendit tonë. "Dyshohet se kjo familje ka prona të shumta të paluajtshme dhe llogari bankare të krijuara nga aktiviteti kriminal i trafikut të drogës", thanë burimet. Ndërkaq, po të njëjtat bu- rime sqaruan se vëllezërit Habilaj janë nën hetim nga prokuroria që prej vitit të shkuar. Hetimi nis pas bllokimit të një sasie prej rreth 23 tonë kanabis në Treblovë e Vezhdanisht të Vlorës, në të cilin është përfshirë edhe Antimafia e Leçes. Kjo dosje është hetuar nga prokurorët e Krimeve të Rënda, ku një javë më parë dosja në ngarkim të të arrestuarve u dërgua për gjykim. Pjesë e kësaj dosjeje është edhe një oficer policie, tashmë i shpallur në kërkim. Zotërues të këtyre parcelave mes fshatrave Treblovë e Vezhdanisht ( parcela të asgjësuara verën e 2016) dyshohen të kenë qenë vëllezërit Moisi dhe Florian Habilaj. Por, Krimet e Rënda e kanë veçuar dosjen e Habilajve nga grupi tjetër i paraqitur tashmë në gjykatë. Hetuesit tashmë janë duke punuar për zbërthimin e mënyrës se si funksiononte kjo organizatë kriminale e kultivimit dhe trafikimit të lëndës narkotike kanabis sativa, e cila është nga më të sofistikuarat që ka hetuar ndonjëherë Prokuroria sh-
Prokuroria e Katanias i nisi hetimet në vitin 2013 dhe iu deshën 4 vjet për të dokumentuar veprimtarinë kriminale, që kryhej nga vëllezërit Habilaj. Në dosjen ku bëjnë pjesë përgjimet mes tyre, por edhe mes pjesëtarëve të tjerë të këtij grupi kriminal, përmendet në të paktën dy raste edhe emri i ish- ministrit të Brendshëm, Saimir Tahirit. Ky i fundit ka pranuar se Habilajt janë kushërinjtë e tij të 10- të, por në përgjime evidentohej fak- ti se Moisi Habilaj i shprehej mikut të tij, Sabaudinit, se 30 mijë euro duhej t'ia çonte Saimirit. Lidhur me këto fakte, tashmë pritet që edhe dosja në të cilën përmendet ish- ministri Tahiri të bashkohet me dosjen ku u arrestuan 7 persona dhe u
shpallën në kërkim dy të tjerë, mes tyre edhe punonjësi i policisë në vendin tonë. Mësohet se hetues të Krimeve të Rënda kanë kontaktuar me homologët italianë dhe se janë në pritje të letër- porosive dhe dosjes së plotë të hetuar nga Antimafia. Por, burime sqaruan se bashkëpunimi mes tyre kishte filluar që në verën e vitit të shkuar, me sekuestrimin e kanabisit në parcelat mes fshatrave Treblovë e Vezhdanisht të Vlorës.