Edi Rama: PD- LSI nuk duan shtet serioz, ne mbajmë përgjegjësi
Kryeministri flet pas tryezës së opozitës: Fronti i vjetër i gjithë në "çadër" "S’jemi të pagabueshëm, kemi edhe ne dru të shtrembër"
Kryeministri Edi Rama e cilësoi dje "fronti i vjetër" tryezën e partive të opozitës, ndërsa dekalroi se maxhoranca merr përgjegjësi për çdo gjë që nuk është bërë mirë. Në një reagim të tij, pas tryezës së organizuar nga PD e LSI, Rama u shpreh: "Asgjë e re nga fronti. Asgjë e re nga fronti i vjetër, përveç faktit që sot nuk janë më ca në "çadër" e ca me "çadrën", po janë të gjithë brenda në "çadër", me po ato maska që as skuqen, as zverdhen kur i marrin shqiptarët për budallenj; me po atë paaftësi për të marrë përgjegjësi mbi vete, për katandisjen e institucionit të opozitës në një sharëtore publike; me po atë hipokrizi të skajshme të tërë këtyre viteve, si në pushtet e si në opozitë, ku vazhdojnë me po atë këngë të vjetër, të cilën e dëgjojnë vetëm shurdhët me veshët në rregull!". Sipas Ramës, drejtuesit e opozitës "S'duan as shtet serioz, as drejtësi të drejtë, as luftë me krimin e me plagët e trashëguara prej pushtetit të tyre të vjetër. Duan vetëm pushtet për vete, në një shtet si ai që na lanë copa e çika katër vjet më parë, me një drejtësi që komandohet prej pushtetit të tyre dhe një ekonomi që rritet vetëm në oborrin e tyre të pushtetit".
"Ne jemi ndryshe dhe po luftojmë përditë që të bëjmë shtet, punë, mirëqenie për Shqipërinë që duam. Nuk jemi aspak të pagabueshëm. Nuk jemi aspak të paprekur nga sëmundjet e një çerekshekulli pa shtet, pa rregulla e norma dhe pa ndëshkueshmëri. Nuk jemi aspak një familje e përsosur, pa probleme e pa drurë të shtrembër në mesin tonë",- vijoi më tej, kryeministri. "Por,- u shpreh Kryeministri,- ndryshe nga këta të frontit të "çadrës" së vjetër, ne marrim përgjegj? si për Shqipërinë dhe mbajmë përgjegjësi për çdo gjë që nuk e bëjmë mirë apo që del në dritën e realitetit si problem i yni". "Sot, kur e tërë opozita me kuç e me maç, u zhyt si front në çorbën e dy kriminelëve të arrestuar në Itali, është dita të kujtojmë se në 20 vitet e fundit, ka patur plot raste kur politikanë, deputetë e familjarë të tyre janë përfshirë në akuza publike. Disa herë akuzat kanë dalë të vërteta, shumë herë jo. Por, ndryshe nga paraardhësi im, nuk mund të jem unë ai që përcakton fajin apo pafajësinë. Kjo është detyrë e siste-
mit të drejtësisë dhe është drejtësia që duhet të zbardhë deri në fund të vërtetën",- bëri të qartë kreu i qeverisë. "Paraardhësi im në qeveri e çoi Shqipërinë buzë greminës vetëm e vetëm për të mbrojtur djalin dhe vajzën e tij. Lideri i sotëm i opozitës përdori një raport mjekësor për
të djegur afatet e gjykimit për një akuzë të ngritur nga prokuroria për korrupsion. Por ne nuk jemi të gjithë njësoj. Ne jemi ata që punuam dhe luftuam për vetingun dhe reformën në drejtësi ( Ju kujtohet mirë besoj që të gjithë këta të frontit i kishim kundër e na bënë qepaze në syt? e
Amerikës e të Europës se nuk e donin as reformën, as vetingun!). Ne sot jemi plotësisht të angazhuar që vetingu të bëhet deri në fund dhe drejtësia e re më në fund të vendoset, për të gjithë, pa asnjë dallim",- nënvizoi Rama. "Ndërkohë na vjen shumë mirë që të mbledhurit në front,
nuk e përmendin më kanabisin si problem aktual. Dhe ndryshe nga ata që duan të përdorin muhabetet e kriminelëve, në luftën e tyre të dëshpëruar për pushtet, ne do të vijojmë luftën e nisur tanimë kundër rrjeteve kriminale dhe aseteve të përfituara nga krimi",- u shpreh Rama. "Për
aq kohë sa jemi në vijën e parë të luftës, kemi marrë parasysh edhe plagët, por edhe baltën, që sjell kjo betejë aspak e lehtë. Por ama ne nuk dorëzohemi dhe do të vazhdojmë të luftojmë krimin dhe kriminelët deri në fund, për Shqipërinë që duam",- e mbylli reagimin e tij, kryeministri.