Seks në këmbim të kokainës, pranga 5 shqiptarëve në Itali
Të arrestuarit drejtonin shitjen e dozave nga brenda hoteleve Kërcënimet, për të paguar lëndën narkotike
Një bandë me sh qiptarë që kishte ngritur një rrjet për shpërndarjen e kokainës dhe marijuanës edhe mes minorenëve duke shfrytëzuar si bazë mbështetjeje dhomat e marra me qira në disa hotele të zonës së Rosetos është shkatërruar nga policët e kompanisë "Giulianova". Hetimi është koordinuar nga zëvendësprokurorja Silvia Scamurra. Janë arrestuar 5 shqiptarë në zona të ndryshme të Italisë me akuzën për shpërndarje narkotikësh në rrethana të rënduara dhe zhvatje. Të arrestuarit drejtonin shitjen e dozave nga brenda hoteleve, duke lehtësuar ardhjen e blerësve të rastit, mes tyre kishte edhe adoleshentë dhe gra, shumë prej të cilave detyroheshin të paguanin mallin me marrëdhënie seksuale. Shumë të tjerë kërcënoheshin kur ishin në vështirësi për të paguar dozat. Po ashtu, një rast tjetër i një operacioni antidrogë në Bari është finalizuar me sukses. Policia italiane ka arrestuar 5 persona, mes të cilëve edhe dy shqiptarë. Në pranga kanë përfunduar shqiptarët Edison Hoxha 30 vjeç dhe Enea Ioannidou 32 vjeç, ky i fundit me banim në Gjermani. Gjithashtu, policia ka arrestuar italianët Giuseppe Lastella 53 vjeç, Francesco Lopez 46 vjeç, Paolo Piemonte 45 vjeç, si pjesë e bandës së trafikimit të lëndëve narkotike. Gjatë kontrollit të makinës, blutë sekuestruan 2,3 kg kokainë, që ishte fshehur në serbatorin e makinës si dhe 21,800 euro. Operacionet e policisë kanë filluar që në shtator, ku janë sekuestruar 4 tonë drogë dhe janë kapur 3 sh- qiptarë. Analizat laboratorike të marijuanës vërtetuan se sasia e drogës ishte e një cilësie mjaft të mirë dhe u vlerësua se kishte një vlerë rreth 40 milionë euro e mund të sillte për organizatën e trafikantëve një përfitim prej 100 milionë eurosh. Prokurorja Francesca Pirrelli në konferencën për shtyp deklaroi se po hetohej mbi pronarin e jahtit të sekuestruar, i cili rezultonte me kalime të ndryshme pronësie mes Shqipërisë e Malit të Zi. Sasia e drogës ishte e sistemuar në pako me ngjyra të ndryshme, që sipas financiarëve italianë, kishte të bënte me klientët e klaneve të ndryshme që do merrnin në dorëzim lëndën narkotike. Për autoritetet italiane, sasia e madhe e drogës së sekuestruar është tregues se ky nuk ishte një biznes në nivel province, por shumë më i gjerë.