Bylykbashi: Tahiri mori miliona euro dhe dhurata nga trafikantët
Deputeti i PD: Rrëzoni qeverinë!
demokrat, Oerd Bylykbashi, u bëri dje thir rje shqiptarëve që të rrëzojnë qeverinë, pasi sipas tij, ligji është në duart e Edi Ramës dhe është i pabarabartë. Duke u ndaluar te kërkesa e Prokurorisë për arrestimin e Tahirit, deputeti shkruan në "Facebook" se mazhoranca socialiste po përdor imunitetin parlamentar për ta mbrojtur deputetin nga burgu. Sipas tij, për Ramën dhe ministrat e tij, bashkëpunëtorë në krim, ligji është më i barabartë se për të tjerët, teksa sjell në vëmendje rastin e komisar Zaganit, i cili u arrestua pasi denoncoi trafikun e drogës të Habilajve. "Ligji është i barabartë për të gjithë. Por, për Ramën dhe ministrat e tij bashkëpunëtorë në krim është edhe më i barabartë se për të tjerët. Komisar Zagani denoncoi me fakte trafikun e drogës së Habilajve edhe me makinën e Saimir Tahirit, përfshirjen e ministrit dhe zyrtareve të policisë. Saimir Tahiri dhe Edi Rama e denigrojnë. Çfare ndodhi? Zagani u arrestua për shpërdorim detyre, sepse ua kishte dhënë informacionin agjencive ligjzbatuese të Italisë dhe u detyrua të kërkojë azil politik. Saimir Tahiri, ministër i Brendshëm, rezulton në përgjimet e italianëve si i lidhur me trafikun e Habilajve dhe se ka marrë miliona euro dhe dhurata nga trafikantet?. Prokuroria kërkon arrestim, me qëllim që të mos prishë provat. Saimir Tahiri kërcënoi kryeministrin. Çfarë ndodhi: mazhoranca socialiste vendosi që të përdorë imunitetin parlamentar për të mbrojtur Saimir Tahirin nga arrestimi e ta mbajë të lirë. Shqiptarë, ligji në duart e Edi Ramës është i pabarabartë. Kjo qeveri duhet rrezuar!", shkruan Bylykbashi.