Vasili, Ramës: Kujdes me joshjet e telefonatat që u bën personave kyç
Kryetari i grupit te LSI: Të mërkurën në kuvend të zgjedhë krimin apo drejtësinë "Takimi, vrasësi u kthye në vendin e krimit"
Kryetari i grupit par lamentar të LSI- së, Petrit Vasili i shpalli dje sfidë të hapur kryeministrit Edi Rama për të zgjedhur ditën e mërkurë nëse do të jetë me krimin, apo me drejtësinë. Në një deklaratë për mediat, Vasili i referohet seancës parlamentare të së mërkurës, kur Parlamenti do të votojë për heqjen ose jo të imunitetit të Saimir Tahirit, për të cilin kërkohet arrestimi nga prokuroria. Vasili i kërkoi kryeministrit Rama që të tregohet i kujdesshëm. Duke iu referuar seancës së të mërkurës ku do të vendoset ' fati' i Saimir Tahirit, Vasili theksoi se ajo është dita e provës së madhe të Ramës. "E vërteta e luftës me krimin dhe kjo betejë morale dhe politike është të mërkurën. Të mërkurën ky kryeministër ka një provë, të vendoset me krimin apo kundër tij", - tha Vasili duke iu drejtuar edhe me një thirrje: "Bëj kujdes edhe me joshjen apo presionin që u bën personave kyç në çështje". "Megjithatë ka një provë, është prova e së mërkurës. Prova është në Kuvend, ose mbështesim prokurorinë me të gjithçka kërkon për të gjetur fajtorët dhe do të zbardhur këtë veprimtari të këtij grupi shumë të strukturuar të rrezikshëm kriminal. Në rast se nuk e bën këtë, nuk ka pse kthehet përsëri si vrasësi në vendin e krimit. Është më mirë të struket diku deri sa ta gjejnë", deklaroi z. Vasili. Sa i përket takimit të djeshëm të kryeministrit Edi Rama me drejtuesit e policisë, Petrit Vasili u shpreh se është pikërisht ai që këto 4 vite e mbolli vendin me drogë dhe cenoi sigurinë kombëtare. Kthim të vrasësit në vendin e krimit e ka quajtur kreu i grupit parlamentar të LSIsë, Petrit Vasili, takimin e kryeministrit në Ministrinë e Brendshme me efektivët e policisë.
"Njeriu që ka zhveshur nga çdo lloj morali policinë është vetë Edi Rama, që në 2013- ën zgjodhi ta drejtonte ai Policinë e Shtetit dhe jo ligji. Në këto 4 vjet Edi Rama e mbolli Shqipërinë me drogë. Në këto 4 vjet Edi Rama i bëri dëmin më të rëndë policisë dhe sigurisë kombëtare. Në brendësi të policisë kishte inkriminim të saj. Kjo nuk është policia që shqiptarët duan. Kjo është kthim i Shqipërisë në një narkoshtet, që drejtohet nga një narkotrafikant", u shpreh z. Vasili. Sipas tij: "Vrasësi u kthye në vendin e krimit, pasi i zhveshi nga çdo përgjegjësi, sepse e drejton ai Policinë e Shtetit dhe jo ligji, pasi e mbolli vendin me drogë, i hapi hapësirat krimit deri në karrigen e qeverisë, zgjodhi të vinte në veprim edhe krimin e 25 qershorit. Pra, i bëri dëmin më të madh policisë, dorëzim para krimeve dhe trafiqeve, "Megjithatë ka një provë, është prova e së mërkurës. Prova është në Kuvend, ose mbështesim prokurorinë me të gjithçka kërkon për të gjetur fajtorët dhe do të zbardhur këtë veprimtari të këtij grupi shumë të strukturuar të rrezikshëm kriminal. Në rast se nuk e bën këtë, nuk ka pse kthehet përsëri si vrasësi në vendin e krimit. Është më mirë të struket diku deri sa ta gjejnë", tha Vasili.
mbështetës pasiv të tyre e të dorëzuar para krimit, pasi kemi të bëjmë me një narkoshtet që drejtohet nga një narkotrafikant".