Zyra konsullore e Ambasadës Amerikane: Procedura për të studiuar në SHBA
Nga 29 tetori, programi "WebChat i Education USA" në ndihmë të të interesuarve "Ja 5 hapat që duhet të ndjekin aplikantët"
Zyra Konsullore e Am basadës Amerikane në bashkëpunim me "Education USA Albania" mbajti një prezantim për studimet në SHBA me nxënësit e gjimnazit "Petro Nini Luarasi" në kryeqytet. Të interesuarit u njohën me hapat që duhet të ndjekin për të fituar të drejtën e studimit në një prej programeve të parapëlqyera në Amerikë. I pranishëm në këtë takim ishte dhe zëvendëskonsulli Patrick Smith, i cili foli mbi procedurën e vizave dhe intervistën që aplikantët do duhet të kalojnë për t'u pranuar. Ndërsa Aida Hudhri, këshilluese në Qendrën Informative të Arsimit Amerikan në Shqipëri shpjegoi për gjimnazistët 5 hapat kryesorë që duhet të ndjekin për të aplikuar në një nga universitetet amerikane. Gjithashtu, në faqen zyrtare të Ambasadës Amerikane bëhet me dije se që prej datës 29 tetor, "Education USA" do t'u vijë në ndihmë të interesuarve edhe nëpërmjet një programi "Webchat", ku specialistët përkatës do japin përgjigje për çdo paqartësi që mund të ketë një maturant apo student në lidhje me aplikimet në universitetet amerikane. Ky panel do të orientojë nxënësit për opsionet dhe mundësitë që kanë për të studiuar në Shtetet e Bashkuara, duke i ndihmuar të arrijnë objektivat për të ardhmen. Çdo vit një numër i konsiderueshëm maturantësh dhe studentësh nga Shqipëria kërkojnë të ndjekin studimet bachelor dhe master në USA. Në këto universitete mund të aplikojë çdo i interesuar që përmbush kriteret e pranimit, të vendosura nga vetë institucioni i arsimit të lartë, ku do të vazhdojë studimet. Secili universitet apo kolegj i vendos vetë kriteret e pranimit dhe afatet e aplikimit. Prandaj hapi i parë është përzgjedhja e universitetit për të ditur çdo informacion në lidhje me këtë të fundit. Aplikantët duhet të njohin paraprakisht kriteret e pranimit për fusha të ndryshme studimi. "Së pari, të interesuarit duhet të shqyrtojnë alternativën më të mirë për arsimim e më tej të përfundojnë dokumentacionin për aplikim. Pas kësaj, aplikantët duhet të financojnë studimet duke aplikuar për bursë e më tej duke aplikuar për vizë studenti. Pas plotësimit të hapave të pikave të mësipërme, studentët duhet të përgatisin udhëtimin për në USA. Instruktorët pranë Qendrës Informative të Arsimit Amerikan i ndihmojnë
Që prej datës 18 tetor ka rifilluar aplikimi për Lotarinë Amerikane, që do të zgjasë deri në datën 22 nëntor të këtij viti. Të gjithë ata që kanë bërë regjistrimin para 18 tetorit duhet ta ribëjnë edhe njëherë, sepse i pari nuk njihet si i vlefshëm. Individët, të cilët bëjnë më shumë se një regjistrim gjatë periudhës së re të regjistrimit do të skualifikohen. Aplikantët mund të regjistrohen elektronikisht në faqen zyrtare të EDV, state. gov, gjatë periudhës së re të regjistrimit. Udhëzimet e DV gjithashtu janë në dispozicion në faqen zyrtare të Departamentit të Shtetit Amerikan në ose në faqen e Ambasadës së Shteteve të Bashkuara në Tiranë. Të gjithë ata që kanë bërë aplikimin për Lotarinë Amerikane para 18 tetorit duhet ta ribëjnë edhe njëherë, sepse i pari nuk njihet si i vlefshëm. Individët, të cilët bëjnë më shumë se një regjistrim gjatë periudhës së re të regjistrimit do të skualifikohen.