Trefishohet taksa e shtëpisë, fiksohet në 0.05% të vlerës
Drafti përfundimtar i Qeverisë për taksën mbi pasuritë Bizneset do paguajnë 0.15% të vlerës së pronës
Ministria e Finan cave ka vendosur që taksa për ndërtesat të jetë 0.05% për qytetarët dhe 0.15% për bizneset. Drafti zyrtar i projektligjit "Për taksat vendore" që është pjesë e paketës fiskale 2018 përcakton pikërisht këto nivele. Siç ishte lajmëruar edhe më herët, baza e taksës nuk do të jetë më sipas modelit të vjetër, por në bazë të vlerës së ndërtesës. "Baza e taksës mbi ndërtesat është vlera e ndërtesës, që llogaritet në përputhje me metodologjinë dhe procedurat e përcaktuara me Vendim të Këshillit të Ministrave. Për efekt të amortizimit të pasurisë së paluajtshme- ndërtesa, Këshilli i Ministrave specifikon, gjithashtu, edhe nënkategoritë përkatëse. "Shkalla e taksës mbi ndërtesat, e cila aplikohet si përqindje e bazës së taksës, është si më poshtë: 0.05% për ndërtesën ku taksapaguesi ka banimin e përhershëm ose zakonisht banon. 0.15% për ndërtesën që përdoret, shfrytëzohet për veprimtari ekonomike", thuhet në draftin e qeverisë.
LLOGARITJA
Taksa e pronës për famil- misht me atë që ka qenë taksë fikse, 400 lekë/ m2", - tha ministri Ahmetaj. Pas taksës së pronës ndryshimi i dytë është ai që prek sektorin e turizmit, përkatësisht hotelet e reja me 5 yje. "TVSH 6 për qind për të gjitha hotelet që ndërtohen rishtaz me 5 yje, që janë brand name, për të gjitha shërbimet brenda mureve të tyre",- bëri të ditur ministri. Këtë lehtësi e përfitojnë vetëm markat e hoteleve të listuara si brand name nga OKB. Paralelisht hotelet luksoze përfitojnë përjashtim nga tatimfitimi. "Për dhjetë vjet përjashtohen nga tatimfitimi",- tha ministri. Financat kanë gjykuar se taksa do të mblidhet përmes agjenti tatimor. Ky i fundit do të përfitojë 2% të të ardhurave të arkëtuara. "Detyrimi i taksës mbi ndërtesën sipas dispozitave të këtij ligji mund të mblidhet nëpërmjet agjentëve të taksave, të cilët kanë shtrirje territoriale, sistem elektronik të bazës së të dhënave dhe gjenerimit të detyrimeve dhe që autorizohen me Vendim të Këshillit të Ministrave. Agjenti i autorizuar përfiton 2 % të të ardhurave të arkëtuara nga taksa e ndërtesave", thuhet në draft. Por ende mbetet për t'u parë se kush nga institucionet do të jetë agjenti. Gjasat janë që të jetë OSHEE, por kjo mbetet për t'u diskutuar.