Tare bën ‘ rezonancën’ e Lacios: Inzagi është ende një trajner i ri
Ish- lojtari i Kombëtares deklaron se nuk afron kurrë në ekip lojtarë që nuk përshtaten me grupin Drejtori Sportiv është i kënaqur me performancën
Drejtori Sportiv i Lacios, Igli Tare së fundmi ka dhënë një intervistë për "Corriere di Bologna", ku ka folur për skuadrën bardhekaltër, duke rrëfyer edhe disa nga sekretet e punës së tij. Fillimisht ai komentuar zgjedhjen e Simone Inzaghit në krye të ekipit. "Kush e donte atë në stol? Çdo gjë te Lacio është e ndarë dhe çdo gjë te Lacio kalon përmes presidentit. Gjithmonë kam menduar se ai ka kualitete të mëdha. Simeone është shumë i zoti, por është ende i ri, dhe futbolli ka uljet dhe ngritjet e veta. Ai i kam dhënë futbollistë të mirë? Gjithmonë përpiqem që t'i bëj gjërat me logjikë, zgjedh futbollistë që mund të bëjnë mirë në futbollin e sotëm. Vlerësoj si karakterin, ashtu edhe karakteristikat e tyre në fushë. Për të ndërtuar një skuadër nuk duhet të harrosh disa gjëra. Këdo që marrim duhet ta integrojmë me të tjerët, sepse grupi është para çdo gjëje. Dhe njëkohësisht e rëndësishme është edhe se si sillemi me të", ka thënë Igli Tare, duke demonstruar se pas suksesit të tij qëndron puna e madhe e bërë kryesisht për të mbajtur grupin e bashkuar.
Igli Tare vlerësohet në Itali nga mediat, si drejtoi sportiv më i mirë. Tare ka arratur që të marrë lojtarë me çmime të ulëta dhe t'i shesë ata me shifra të bujshme. Por, përveç përfitimeve monetare, "biondi" ka arritur që të krijojë një Lacio shumë të fortë dhe pretendente. Igli Tare e nisi karrierën si futbollist me ekipin e Partizanit, ku shkëlqeu që në moshë të re dhe menjëherë kaloi në Gjermani. Pas dy sezonesh me Vandolf Manheim dhe Ludvigshafen, Tare siguron një kontratë të mirë me Kalrsruhen, një nga ekipet më me traditë në Gjermani. Katër sezone të ndara mes Fortuna Dyseldorfit dhe Kaizerslauternit dhe më pas kalimi në Itali. Te Breshia "gjiganti i mirë" bëhet pikë referimi, ku shndërrohet në partnerin fiks e një legjende si Roberto Baxho. 15 gola në Lombardi për Taren në dy sezone, por asiste pa fund për
Baxhon, që arriti të fitonte dhe "Këpucën e Artë" në edicionin 2001- 2002. Te Bolonja, Tare do të zëvendësojë Hulio Rikardo Kruzin dhe do ta mbyllë karrierën te Lacio në vitin 2008 dhe menjëherë u bë team- manager i ekipit për t'u emëruar drejtor sportiv një sezon më pas, rol të cilin e mbulon edhe sot.