Kushëriri ekzekuton me kallash burrë dhe grua për një mur
Humbi gjyqin për pronën, Apostol Kosta: Do e zgjidh në mënyrën time. Hodhi granatë në shtëpinë e viktimave 73- vjeçari qëlloi në banesë muzikantin e mësuesen, tentoi vetëvrasjen
Konflikti për një mur ndarës mes banesave të dy familjeve ka shkaktuar tragjedi në qytetin e Gjirokastrës. Burrë e grua janë ekzekutuar me breshëri kallashnikovi nga kushëriri dhe njëkohësisht fqinji i tyre, Apostol Kosta. 73vjeçari ka pritur sapo çifti ka hapur dyert e banesës dhe krejt gjakftohtë ka qëlluar për vdekje 66- vjeçarin Aleko Kosta, muzikant i njohur në këtë qytet dhe bashkëshorten 49- vjeçare të këtij të fundit, Afërdita Kosta, me profesion mësuese. Më pas, autori i vrasjes ka tentuar të kryejë vetëvrasje, por ka mbetur i plagosur. Burime zyrtare nga Drejtoria e Policisë së Qarkut të Gjirokastrës bën me dije se ngjarja e rëndë ka ndodhur mëngjesin e djeshëm, rreth orës 07: 25 në vendin e quajtur "Sokaku i të Marrëve", në lagjen Palorto. Krismat e armës kanë alarmuar banorët e qytetit muze dhe policinë, e cila ka mbërritur menjëherë në vendngjarje dhe ka nisur hetimet. Pas kryerjes së veprimeve hetimore parapraprake, hetuesit e çështjes pohuan se ngjarja ka marrë shkas nga një konflikt pronësie. Mësohet se të hënën, gjykata e Gjirokastrës u kishte dhënë të drejtë çiftit Kosta. Ndërkaq, mësohet se ngjarja mund të kishte pasoja edhe më tragjike, pasi mësohet se fillimisht 73vjeçari Apostol Kosta kishte tentuar t'i vriste me granatë, duke e hedhur në banesën e çiftit. E ndërsa, granata nuk ka shpërthyer, i moshuari ka marrë kallashin dhe i ka qëlluar duke i lënë të vdekur në vend.
NGJARJA
Tronditet Gjirokastra. Të shtënat me armë zjarri në lagjen "Palorto", shumë pranë shtëpisë muze të shkrimtarit të njohur Ismail
Kadare kanë terrorizuar banorët e këtij qyteti. Pas krismave të armëve, shërbimet e policisë kanë shkuar në vendngjarje ku kanë konstatuar se shtetasi Apostol Kosta ishte konfliktuar dhe kishte vrarë me
armë zjarri kushëririn e tij, Aleko Kosta dhe gruan e këtij të fundit. Gjithashtu, blutë thanë se autori i vrasjes së dyfishtë, pasi është siguruar që i ka vrarë bashkëshortët, ka tentuar t'i japë fund dhe jetës së tij, por ka
mbetur i plagosur rëndë ( ka marrë një plumb në nofull dhe është shpërfytyruar). 73vjeçari është dërguar menjëherë në spitalin e Gjirokastrës ku i është dhënë ndihma e parë mjekësore. Mjekët e këtij spitali pohuan se ai Prej vitesh Aleko Kosta ishte në konflikt pronësie me kushëririn e tij Apostolin. Të të dy sorollateshin gjyqeve për të ndarë se kujt i përkisnin 4 m tokë që ndante banesat e tyre, e mbi të cilën ishte ngritur një mur rrethues. Ndërtimi i shkallëve nga ana e muzikantit të njohur në Gjirokastër, ishte konsideruar si diçka e padrejtë nga djali i xhaxhait të tij e që nga ai moment s'kishin gjetur më paqe. Ndërkaq, pak ditë më parë, gjykata kishte vendosur në favor të dy viktimave.