Skandali CEZ- DIA, gjykata dënon Kastriot Ismailajn me 11 vjet burg
Avokatët mbrojtës të të pandehurit do apelojnë vendimin I sekuestrohen rreth 4 milionë dollarë
Gjykata e Tiranës ka dënuar me 11 vjet burg ish- administratorin e DIA, Kastriot Ismailaj, i akuzuar për një skemë mashtrimi me mbledhjen e borxheve të CEZ- it. Bëhet fjalë për skandalin e bërë publik dy vjet më parë CEZDIA, i cili ngriti peshë politikën shqiptare e jo vetëm. Në seancën me dyer të mbyllura, e cila zgjati rreth 3 orë, u lexuan konkluzionet e mbrojtjes nga një avokat kryesisht. Kjo u kundërshtua nga biznesmeni, pasi dy mbrojtësit e tij ligjorë nuk ishin paraqitur dhe për këtë arsye kërkoi shtyrjen e seancës, por kërkesa u refuzua nga gjykata.
Gjithashtu, gjykata vendosi të sekuestrojë rreth 4 milion dollarë të Kastriot Ismailaj dhe kalimin e tyre në favor të shtetit. Prokuroria pati kërkuar 15 vjet burg për të pandehurin, i cili kishte ngritur një skemë mashtrimi me mbledhjen e borxheve të kompanisë CEZ. Ndërkaq, dy ditë më parë Ismailaj kërkoi që të rihapej hetimi pasi dispononte 100 prova të reja, por kjo kërkesë u rrëzua nga gjykata. Avokatia e caktuar kryesisht nga gjykata, lexoi argumentet prej 34 faqesh të mbrojtjes, duke pretenduar për pafajësi për biznesmenin, duke ar- gumentuar që prokuroria ka bërë një punë të dobët në provimin e akuzave dhe se gjithçka ndaj tij është politike, e pabazuar në prova dhe në fakte. Avokatja Elona Ullorja u përpoq të argumenton- te se kalkulimet e bëra nga prokuroria në lidhje me borxhet e dëmet shkaktuar shtetit shqiptar janë abuzive dhe jo të drejta, dhe sipas saj prokuroria ka ngritur një akuzë të pabazë ndaj Kastri- ot Ismailaj. Ndërkaq, sipas verdiktit të gjykatës së Tiranës, janë sekuestruar dhe kanë kaluar në llogaritë e shtetit; 3 milionë dollarë; 451 mijë euro; 939 mijë dollarë dhe 12 milionë lekë reja. Bi- znesmeni Kastriot Ismailaj u cilësua fajtor për veprën penale "Mashtrim me pasoja të rënda kryer në bashkëpunim" dhe "Pastrim të parave kryer më shumë se një herë". Ndërkohë, avokatët mbrojtës të Ismailajt, Vladimir Meçi, Alban Qafa dhe Elona Ullorja, kanë paralajmëruar se do ankimojnë në Gjykatën e Apelit vendimin e Shkallës së Parë, për të kërkuar lirimin nga akuzat të klientit të tyre.