Administrata, vendet e punës që rrezikohen në 2018
Ndryshimi i ministrive, do të paguhen nga taksat 81 mijë e 660 punonjës Shkurtohen vetëm 50 vende pune
Në administratën pub like vitin e ardhshëm do të punojnë 81 mijë e 660 punonjës. Shifra është bërë e ditur në projektbuxhetin e vitit 2018, ku janë parashikuar përveç numrit të përgjithshëm të punonjësve, edhe numri i të punësuarve për çdo ministri, drejtori dhe institucion buxhetor. Edhe pas ristrukturimit të përbërjes së qeverisë, ulja e numrit të të punësuarve është e vogël, 50 vende pune. Në vitin 2017, numri i punonjësve buxhetorë është 81 mijë e 713 punonjës. Në Kryeministri do të punojnë 150 persona, në Kuvend 405 dhe në Presidencë 86. Numrin më të lartë të punonjësve me 31004 e ka Ministria e Arsimit Sportit dhe Rinisë, më pas vjen Ministria e Brendshme me 14 106 punonjës. "Numri i përgjithshëm i punonjësve në organikë është 81 660 veta. Numri maksimal i punonjësve për çdo ministri dhe institucion qendror, i dhënë në tabelën 2, që i bashkëlidhet këtij ligji dhe është pjesë përbërëse e tij, detajohet nga ministritë dhe institucionet qendrore, në përputhje me strukturat e miratuara për çdo institucion varësie. Këshilli i Ministrave mund të rishpërndajë numrin e punonjësve ndërmjet institucioneve, në rastin e ris- trukturimit të institucioneve ekzistuese apo krijimit të institucioneve të reja", thuhet në projektbuxhet. Numri rezervë përdoret me vendim të Këshillit të Ministrave për krijimin e institucioneve të reja. Këshilli i Ministrave përcakton numrin maksimal të punonjësve me kontratë të përkohshme për çdo ministri dhe institucion qendror. Fondi i veçantë i institucioneve buxhetore prej 500 milionë lekësh shpërndahet dhe përdoret me miratimin e ministrit të Financave dhe sipas procedurave që përcaktohen me udhëzim të tij.
STRUKTURA
Për vitin 2018 nuk miratohet asnjë ndryshim në strukturat organike të njësive të qeverisjes qendrore me efekte financiare shtesë në koston e personelit, të përllogaritur sipas strukturës së miratuar, me përjashtim të institucioneve të reja dhe institucioneve të sistemit të drejtësisë. Ky përcak- tim përfshin edhe ato struktura, në të cilat paga për funksion jepet ose është sipas gradës përkatëse, ku çdo rritje në gradë do të bëhet efektive vetëm nëse nuk shoqërohet me efekte financiare shtesë në koston e përllogaritur sipas gradave të miratuara. Numri i punonjësve të institucioneve ekzistuese të sistemit të drejtësisë dhe numri rezervë për këtë sistem është 230. Detajimi i numrit të punonjësve të institucioneve ekzistuese të sistemit, deri në momentin e riorganizimit, detajohet nga vetë institucionet. Rishpërndarja e numrit të punonjësve të institucioneve të sistemit të drejtësisë dhe e numrit rezervë të tyre bëhet nga Këshilli i Ministrave, pas miratimit paraprak nga Kuvendi", shkruhet në relacionin e projektbuxhetit 2018.
Pas ristrukturimit të përbërjes së qeverisë, ulja e numrit të të punësuarve është e vogël, 50 vende pune. Në 2017, numri i punonjësve buxhetorë është 81 mijë e 713 punonjës. Në 2018 në Kryeministri do punojnë 150 persona, në Kuvend 405 dhe në Presidencë 86.