Progni: Objektivi ynë nuk ndryshon! Flamurtarin e mposhtim
Mesfushori po shkëlqen si mbrojtës i djathtë
Gerhard
Progni ka dalë dje në konferencë për shtyp për të folur për ndeshjen me Flamurtarin, ndërkohë që sigurisht nuk kanë munguar pyetjet për çështje të tjera, duke nisur me objektivin për titull, rivalitetin me Skënderbeun, si dhe pozicionin e tij në fushën e blertë. Tropojani u është përgjigjur të gjitha pyetjeve të gazetarëve, teksa ka theksuar se e priste disi më të vështirë aktivizimin e tij në krahun e djathtë të mbrojtjes. "E mendoja pak më të vështirë pozicionin tim në mbrojtje, por po të shikojmë në ndeshjet e fundit, skuadra ka pësuar vetëm një gol, ku padyshim është edhe meritë e lojtarëve të tjerë. Besoj se një mesfushor krahu nuk e ka edhe shumë të vështirë të bëjë rolin e mbrojtësit të krahut. Çfarë ka ndryshuar? Në ndeshjet e fundit skuadra ka gjetur harmoninë, janë bërë disa rreg- ullime në formacion dhe besoj se në vazhdim, skuadra do të jetë gjithmonë në ngritje. Jemi të vetëdijshëm që edhe tifozët janë paksa të zhgënjyer me fillimin që i kemi bërë kampionatit, afrimet e reja kanë dashur kohën e tyre, por besoj se ne do bëjmë akoma më mirë, në mënyrë që Partizani të jetë aty ku e duan të gjithë. Flamurtari? Është një skuadër shumë e mirë, sidomos në repartin e sulmit, ku dyshja AlveshBushiç janë të rrezikshëm, por ne do bëmë lojën tonë, luajmë në fushën tonë dhe kam shumë besim që do të marrim 3 pikët, pasi nuk na lejohen më gabime. Partizani çdo vit ka si objektiv fitimin e titullit, por edhe Kupën e Shqipërisë. Pavarësisht diferencës prej 8 pikësh me Skënderbeun, ne do të luftojmë për të arritur te titulli. Në kohën kur isha pjesë e Flamurtarit, ne ishim 8 pikë larg Skënderbeut, por në fund Flamurtari e humbi kampionatin, ndaj shpresa vdes e fundit dhe ne do të besojmë deri në fund".